ՄԱԿ-ը դադարեցրել է Գազային տրամադրվող հումանիտար օգնության մատակարարումը
Մերձավոր Արևելք
ՄԱԿ-ը դադարեցրել է Գազայի հատվածում սննդի և հագուստի մատակարարման կետերի աշխատանքները: Կազմակերպությունն այդ քայլին է դիմել հումանիտար օգնության մատակարարման քանակի նվազեցման հետևանքով ծագած անկարգությունների պատճառով: Մասնավորապես՝ պաղեստինցիները հարձակվել էին ընկերության պահեստների վրա: Այս մասին ասված է ՄԱԿ-ի՝ պաղեստինցի փախստականների օգնության և աշխատանքների կազմակերպման Մերձավորարևելյան գործակալության՝ UNRWA-ի պաշտոնական կայքում:
Ողջ օգնությունը, որը տրամադրվում էր ՄԱԿ-ի կողմից, կդադարեցվի, իսկ սնունդ և հագուստ մատակարարող կետերը փակ կլինեն այնքան ժամանակ, քանի դեռ UNRWA-ն պատասխանատու մարմինների կողմից համապատասխան երաշխիքներ չի ստացել իր աշխատակիցների անվտանգության հարցում:
Ավելի վաղ՝ հինգշաբթի օրը, Գազայի բնակիչները հարձակվել էին UNRWA-ի տեղամասերից մեկի վրա՝ պահանջելով վերականգնել չունևոր ընտանիքներին ամսեկան տրամադրվող դրամական օգնությունը, սակայն կանգնեցվել էին ՄԱԿ-ի անվտանգության ուժերի կողմից. գրում է AFP-ն:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
