Զոհրաբ Զոհրաբյանին բուժող բժիշկները չեն շփվում լրագրողների հետ

«Երկրորդ կոմպյուտերային հետազոտությունից հետո բժիշկները պարզել են, որ ԱԺ նախկին պատգամավոր Զոհրաբ Զոհրաբյանի առողջական վիճակը անփոփոխ է՝ ծայրահեղ ծանր, կայուն:

Զոհրաբ Զոհրաբյանի մամուլի ծառայությունը ևս մեկ անգամ խնդրում և հորդորում է բոլոր լրատվամիջոցներին զերծ մնալ ապատեղեկատվություններ տարածելուց:

Զոհրաբ Զոհրաբյանի մամուլի ծառայությունը պարբերաբար կտեղեկացնի Ձեզ Զոհրաբ Զոհրաբյանի առողջական վիճակի մասին»:

Զ. Զոհրաբյանի մամուլի ծառայություն»։

Նշենք, որ Լուրեր.com-ի թղթակցին այսօր չի հաջողվել զրուցել Զոհրաբ Զոհրաբյանին բուժող բժշկի հետ։ Վերջինիս հետ լրատվամիջոցների շփումը խիստ սահմանափակ է։

Նշենք նաև, որ Լուրեր.com-ի թղթակցի հետ զրույցում հիվանդանոցի ադմինիստրացիան թույլ տվեց, որ լրագրողը կարողանա Զոհրաբյանին բուժող բժշկից առողջական վիճակի մասին ինֆորմացիա ստանալ, սակայն Զոհրաբ Զոհրաբյանին ընկեր ներկայացող մի խումբ մարդիկ և հիվանդանոցի ոստիկանը չթույլատրեցին, ասացին, որ լրագրողը չի կարող բաժնի վարիչի հետ հանդիպել, քանի որ նա տեղում չէ, բայց ադմինիստրացիան վստահեցնում էր, որ բժիշկը տեղում է։

Հիշեցնենք, որ երեկ՝ կեսգիշերին, Հրաչյա Քոչար փողոցի՝ դեպի Արաբկիր վարչական շրջանի շենք տանող հատվածում (բենզալցակայանի մոտ) անհայտ մեքենան հարվածել էր ԱԺ նախկին պատգամավոր Զոհրաբ Զոհրաբյանի Սուզուկի մակնիշի մեքենային, ապա լքել դեպքի վայրը։ Զոհրաբ Զոհրաբյանը եղել էր իր վարորդի հետ. նրանց անգիտակից վիճակում տեղափոխել էին Արմենիա բ/կ։