Հրաչ Մուրադյանը Կովալի կամակատարը երբեք չի եղել. Սասուն Միքայելյան

Կոտայքի տխրահռչակ մարզպետ Կովալենկո Շահգալդյանը որեւէ մասնակցություն չի ցուցաբերել ո՛չ Ղարաբաղյան շարժմանը, ո՛չ Արցախյան ազատամարտին: Այդ տարիներին նա փորձել է հնարավորինս աննկատ մնալ' աշխատելով «Հայավտո» արտադրական միավորումում գլխավոր տնօրենի տեղակալ, Չարենցավանի ավտոբեռնիչների գործարանում գործադիր տնօրեն: Ու հավանաբար պատերազմին մասնակցելու վախից էլ ալափարսցի Կովալն ազատամարտիկներին չի սիրում, նրանց մասին խոսելիս հեգնանքով ու արհամարհանքով է արտահայտվում: Հիշեցնենք' Պռոշյանի գյուղապետ, Շուշիի առանձնակի գումարտակի հիմնադիր անդամներից ՀՅԴ-ական Հրաչ Մուրադյանի սպանությունից ժամեր անց, երբ դեռ տաք էր ազատամարտիկի դին, Կովալը հայտարարել էր, թե նա «այսպես ասած, կռված տղա էր», «միջին գյուղապետ էր»:

Երեկ Կովալի հայտարարություններին հակադարձել է «Սասուն» ջոկատի հրամանատար, ազատամարտիկ Սասուն Միքայելյանը. «Կովալի պես տականքն էլ կանգնի ու դեռ դիակը չսառած՝ նման գնահատականնե՞ր տա: Ես շատ վիրավորված եմ Կովալի ասածներից, ինքը չկա մարդկային ոչ մի տեսակի մեջ, բայց կռվող տղուն նման գնահատականնե՞ր է տալիս: Հրաչ Մուրադյանը Կովալի կամակատարը երբեք չի եղել, ահա ինչու է նա իր մեջի թույնը թափել»: Սակայն ՀՀԿ-ում շարունակում են Կովալի տեսակին «առաջ մղել»:

Առավել մանրամասն «Ժողովուրդ»-ի այսօրվա համարում: