Հնդկաստանում փլուզված շենքի զոհերի թիվը հասել է 71-ի

Հնդկաստանում նախօրեին Մումբաի քաղաքի մոտակայքում գտնվող Տհանեում փլուզված բարձրահարկ շենքի զոհերի թիվը հասել է 71-ի. շաբաթ օրը հայտնում է NDTV-ն:

Ավելի վաղ հայտնի էր դարձել 63 զոհի մասին: Զոհվածների մեջ կա 25 երեխա: Տուժածների թիվը կազմում է մոտավորապես 60 մարդ: Փրկարարները փլատակների տակ մնացած մարդկանց կյանքի փրկության ոչ մի հույս չեն տալիս:

Առավոտյան հսկայական քարերի տակից դուրս էր բերվել մի կին, ով փլատակների տակ անցկացրել էր 36 ժամ:

Հիշեցնենք, որ միջադեպը տեղի էր ունեցել հինգշաբթի երեկոյան: Կիսակառույց 7-հարկանի շենքը, որտեղ 35 ընտանիք էր ապրում, հանկարծակի փլուզվել էր: