Իմ խաղով արժանի չէի հաղթանակի. Լևոն Արոնյան

Հայ գրոսմայստեր Լևոն Արոնյանը հավակնորդների մրցաշարի ավարտից հետո ադրբեջանական echo.az կայքին տված հարցազրույցում նշել է.

«Կարծում եմ՝ պայքարի տեսակետից մրցաշարում առանցքային շատ պահեր կային: Սակայն, իհարկե, Սվիդլերին պարտված պարտիան վճռորոշ եղավ ինձ համար: Այդ պարտիայում շատ վատ խաղացի, որից հետո էլ դժգոհ էի իմ խաղից:

Գելֆանդից կրած պարտությունը նույնպես ցավալի էր, սակայն ես կարողացա վերադառնալ խաղ և հաղթել հաջորդ տուրում: Իսկ Սվիդլերին պարտվելուց հետո հասկացավ, որ այլևս չեմ կարող պայքարել առաջին տեղի համար: Ընդհանուր առմամբ՝ մասնագետները ճիշտ են, որ չդիմացա մրցաշարին: Պետք է ուշադրություն դարձնեի ֆիզիկական և հոգեբանական պատրաստվածությանը: Շատ տխրեցի, որ չկարողացա վիճարկել առաջին տեղը, չնայած չեմ կարող ասել, որ իմ խաղով արժանի չէի հաղթանակի: Ընդհանուր առմամբ՝ անհաջող ելույթ ունեցա: Այո, առաջին շրջանում լավ խաղացի, սակայն մրցաշարն ունի նաև երկրորդ շրջան: Իհարկե, տիտղոսի համար հույսերս չեմ կորցնում: Ես ինձ ծեր կհամարեմ: Կփորձեմ ցուցադրել իմ լավագույն խաղը, սակայն մի քանի փոփոխություն կկատարեմ, որոնք, կարծում եմ, ինձ համար կարևոր են: Չեմպիոնական պայքարում, կարծում եմ, Կարլսենն ունի բոլոր հնարավորությունները աշխարհի հաջորդ չեմպիոնը դառնալու համար: Սակայն դա նրա համար հեշտ չի լինի: Ինչպես ցույց է տալիս փորձը, Անանդը շատ ուժեղ է խաղում: Հետաքրքիր կլինի նրանց դիմակայությանը հետևելը:

Իսկ այն հարցին, թե արդյոք Ադրբեջանի հավաքականի մասնակցությունը Երևանում 2014-ին կայանալիք շախմատի աշխարհի թիմային առաջնությանը կնպաստի Հայաստանի ընտրանու մասնակցությանը Բաքվում կայանալիք Օլիմպիադային, հայ գրոսմայստերը պատասխանել է.

«Դա, իհարկե, բոլորիս հաճելի քայլ կլինի: Հիմա չեմ կարող կանխատեսել, թե ինչ կիլնի, եթե Ադրբեջանը մասնակցի Երևանում կայանալիք առաջնությանը: Դժվար է խոսել թիմի փոխարեն: Իսկ իմ կողմից կարող եմ ասել, որ հույս ունեմ՝ կմասնակցենք Բաքվի օլիմպիադային: Այնուամենայնիվ, պետք է օբյեկտիվորեն նայել անցյալ տարիների իրադարձություններին, որ մեզ մոտ ոչ ամեն ինչ է հարթ»,-նշել է Արոնյանը: