Շնորհավորում են Նարբեն, Գլումովը, Սարգիս Գրիգորյանը, Արա Գևորգյանը և Էդուարդ Քալանթարյանը

Ապրիլի 7-ը մեզանում հաստատված է որպես մայրության ու գեղեցկության տոն, բայց շնորհավորանքներ են ստանում են նաև այն աղջիկներն ու կանայք, ովքեր դեռ չեն հասցրել մայրանալ:

Ռադիոհաղորդավար Եգոր Գլումովը դեռևս գիշերը 12-ին է շնորհավորել իր կնոջը:

«Կնոջս շնորհավորել եմ գիշերը և նվիրել եմ ժամացույց, ու քանի որ այսօր կնոջս մտերիմ ընկերուհիներից մեկի ծնունդն է, առանձին չենք նշի, կմասնակցենք ծննդյան արարողությանը: Սա էլ կլինի մեր ապրիլյոթյան միջոցառումը»,-պատմեց Եգորը, ով ArmStar.am-ի հետ զրույցում անզգուշաբար մոռացավ շնորհավորել նաև մյուս բոլոր կանանց ու աղջիկներին:

Ապրիլի յոթը տոնելու յուրահատուկ մոտեցում է ցուցաբերել դերասան Սարգիս Գրիգորյանը:

Դերասանը ընկերների հետ միասին կանանց տոնը տոնում է առանց կանանց: «Այսօր հենց հիմա ընկերնե8իս հետ միասին կանանց կենացն ենք խմում»,-ծիծաղելով ասաց դերասանը: «Անկեղծ լինեմ, այսօր ինձ խելոք չեմ պահել (ծիծաղում է), առանց մեր կանանց, ընկերներով հավաքվել Ապրիլի յոթ ենք տոնում: Իսկ թե ինչպես կշնորհավորենք մեր կանանց, օղին ցույց կտա»,-անկեղծացավ Սարգիս Գրիգորյանը:

Դերասան, հաղորդավար Նարբե Պողոսյանը առավոտյան շուտ անկողնում համբույրով է շնորհավորել կնոջը:

«Այսօր ինձ համար ավելի շատ ոչ թե աղջիկների, այլ մայրերի տոնն է, այդ իսկ պատճառով կնոջս հետ միասին պատրաստվում ենք շնորհավորել իմ մայրիկին, նրա մորը, իսկ երեկոյան էլ ընկերների հետ միասին պատրաստվում ենք լավ ժամանակ անցկացնել»,-ասաց Նարբեն:

Սպորտային մեկնաբան Էդուարդ Քալանթարյանը վստահ է.

"Կանայք եթե լինեն մեր կողքին, մենք ավելի գեղեցիկ կլինենք: Իսկ կնոջս այս անգամ որոշել եմ անակնկալ չանել, միասին կգնանք խանութ և կգնանք այն ինչ կցանկանա, այդ գնումերին աղջիկս էլ կմասնակցի":

Առավել բովանդակալից զրույց ունեցանք երգահան Արա Գևորգյանի հետ:

Արա Գևորգյանը դեռ պարաստվում էր շնորհավորանքներին: «Առաջինը կշնորհավորեմ ավագ սերնդի իմ բոլոր ընկերուհիներին ու բարեկամներին, գործընկերներիս, մորաքրոջս և այլն»,-ասաց երգահանը: Արա Գևորգյանը նշեց, որ իր համար կանանց տոնն ամենևին էլ չի ավարտվում ապրիլի յոթով:

«Ինձ համար այսօր չի ավարտվում կանանց տոնը, ընդհակառակը, սկսվում է և կտևի մինչև մարտի ութը: Կանանց ու նրանց մեծարանքի տոն է ամբողջ տարին: Ես շատ բարձր եմ գնահատում կնոջ դերը տղամարդու կյանքում, որպես սերունդի շարունակող, բանակի վերարտադրող, որպես մայր, քույր, ընկեր…: Մենք առհասարակ կանանց պետք է շատ լավ վերաբերվենք, չէ որ նրանք շատ ավելի խելացի են, քան տղամարդիկ, սա ոչ ոք չի կարող ժխտել»: ArmStar.am-ի զարմանքին ի պատասխան Արա Գևորգյանը ավելացրեց. «Իհարկե ավելի խելացի են; Դուք երբևէ չե՞ք մտածել, թե ինչու, ըստ ավանդույթի, ամուսնական զույգերում տղամարդիկ կանանցից մեծ են, որովհետև նույն տարիքի կինը իր հասակակից տղամարդուց շատ ավելի խելացի է, ավելի շատ բան է հասկանում: Աղջիկը շատ ավելի շուտ է զարգանում, դժբախտաբար ավելի շուտ է ծերանում…»: Արա Գևորգյանը մեզ հետ զրույցի ընթացքում պատմեց նաև, որ երբ ավելի երիտասարդ էր, ավելի մեծ ուշադրություն էր դարձնում նվերներին: «Մենք միշտ առաջին դասարանցիներով հավաքվում ենք, և հիմա էլ կկազմակերպենք գեղեցիկ մի խնջույք, բոլորին կհավաքենք մի տեղ, կասենք-կխոսենք, կերգենք, կպարենք, կուրախանանք: Իհարկե կարող են լինել նաև փոքրիկ հուշավերներ»: Արա Գևորգյանը չմոռացավ շնորհավորել նաև բոլոր կանանց ու մայրերին: