Ազգային առաջնությունում «Ռեալը» չափազանց վաղ պարտվեց «Բարսելոնային». Մոուրինյու

Մադրիդի «Ռեալի» գլխավոր մարզիչ Ժոզե Մոուրինյուն հարավամերիկյան լրատվամիջոցներին տված հարցազրույցում ափսոսանք է հայտնել, որ երկրի առաջնությունում իր թիմն այդքան շատ միավորով է ետ մնում «Բարսելոնայից»:

Հիշեցնենք, որ մադրիդցիները մրցաշարային աղյուսակի երկրորդ հորիզոնականում են և իրենց ակտիվում ունեն 65 միավոր, այն դեպքում, երբ կատալոնյան ակումբը 78 միավորով գլխավորում է մրցաշարային աղյուսակը:

«Մենք կխաղան Իսպանիայի գավաթի եզրափակչում, այնքան էլ հեռու չենք գտնվում Չեմպիոնների լիգայի կիսաեզրափակչից: Սակայն մենք չափազանց վաղ պարտվեցինք ազգային առաջնությունում:

Նշենք, որ Իսպանիայի առաջնությունում խաղում են Եվրոպայի 2 ուժեղագույն ակումբները: Անցած մրցաշրջանում լավագույնը մենք էինք»,- նշել է Մոուրինյուն։