«Արսենալը» Իկեր Կասիլյասի համար «Ռեալին» 20 մլն է առաջարկում

Բրիտանական մամուլը պնդում է՝ «Արքայական ակումբի» 31-ամյա դարպասապահ Իկեր Կասիլյասը, հնարավոր է, լքի Մադրիդը և տեղափոխվի մառախլապատ ալբիոն:

The Sun-ի տեղեկությունների համաձայն՝ դարպասապահի ծառայություններով հետաքրքրված է Լոնդոնի «Արսենալը»:

Լոնդոնյան ակումբի ղեկավարությունը ցանկանում է Կասիլյասի տրանսֆերը ձեռքբերել ամառային տրանսֆերային պատուհանի ժամանակ:

«Արսենալը» դարպասապահի տրանսֆերը գնահատում է 20 մլն եվրո և առաջիկայում մտադիր է դիմել «Արքայական ակումբին» համապատասխան առաջարկով:

Նշենք, որ ընթացիկ մրցաշրջանում մադրիդցիների ավագը մասնակցել է 19 խաղի և բաց թողել 16-ը: