Րաֆֆի Հովհաննիսյանը՝ զինվորներին. Չգաք Ազատության հրապարակ

Այսօր՝ ապրիլի 9-ին, Ազատության հրապարակում փետրվարի 18-ին նախագահական ընտրություններում պաշտոնական տվյալներով երկրորդ տեղը զբաղեցրած նախագահի ընդդիմադիր թեկնածու Րաֆֆի Հովհաննիսյանը ևս երդվեց։ Հովհաննիսյանը, աջ ձեռքը սրտին դրած, երգեց ՀՀ հիմնը՝ հրապարակում հավաքվածների հետ միասին։

«Հայաստա՛ն, ո՛չ կեղծ երդումներին, ո՛չ կեղծ նախագահներին, ո՛չ կեղծ վեհափառներին, կեցցե՛ Հայաստանը։

Մենք այսօր կեղծ երդում չենք տալու, մենք տալու ենք միասին Հայաստանի մեր օրենքի, մեր իրավունքի, մեր Նժդեհի, մեր իրավունքի և մեր երեխաների երդումը։ Ով հիմա մի քիչ այն կողմ՝ համալիրում, երդում է տալու թո՛ղ մտածեն։ Աստված մեզ պահապա՛ն, բայց հայ ժողովուրդը հաղթել է։ Բացե՛ք Ձեր Սահմանադրության երկրորդ հոդվածը, իշխանությունը պատկանում է ժողովրդին, այս երիտասրադներին, Թումանյանին, Սպենդիարյանին, այս հրապարակին։

Այդ դահլիճում երևի շատ փող են ծախսել մեր գրպանից, բայց այստեղ ամեն ինչ բնական է, սա մեր հրապարակն է»։

Այսօր Աստված իր լույսերն իջեցնում է Հայաստանի վրա, Ազատության հրապարակի վրա, մեր եղբայրների, ընկերների մեր երեխաների վրա, որ մենք դառնանք արժանապատիվ հավատացյալ, բայց նաև մենք՝ խիզախված, քաջ։ Մեր հայրենիքը ազատված է ձեր կեղծ երդումներից, մենք ազատված ենք ձեր ճիրաններից։ Աստված թող մեզ առաջնորդի։

Մեր հայրենիքում այսքան տարի կապկապած, շղթայված, բանտարկված, գերի դարձած՝ այլևս երբե՛ք, մեր քաղաքացիները ասում են՝ ո՛չ ձեր երդմնակալությանը, ձեր պատանդ կեղծ իշանությանը, դարձի՛ եկեք, եկեղեցի՛ և պետությո՛ւն, դարձի՛ եկեք, որովհետև մենք այլևս ձեր ստրուկը չենք։ Այսօր, վեհափա՛ռ տեր և Սարգսյա՛ն, ձեր բոլոր մանկլավիկներով, մարզպետներով բոլորով հանդերձ, իմացե՛ք՝ Աստված մեր ժողովրդին ժամադրել է իր թագավորություն, իր դատարան, իր տուն, որտեղ հավատացյալը հավատացյալ է, և ոչ երբեք 30 արծաթ, կեղծ սրիկաների։ Մենք կանգնում ենք միասին, կգանքնենք, մինչև Հայաստանը դառնա ազատ, անկախ, ինքնիշխան, կանգնում ենք մեր հայրենիքի համար։ Մեր զինվորներին՝ հպարտության գրավական զինվորներին, ովքեր սահմանին են կանգնած, հանկարծ չգաք հրապարակ, չգաք, որովհետև Աստված սիրում է բոլորին։ Այլևս երբեք այս երկրնամակամարում չի լինելու մեր երեխաների կորուստը։

Այո, վեհափառ ես եմ ասում, Աստված թող իջեցնի իմաստություն ձեր վրա, վեհափա՛ռ, ձեր վրա Սարգսյան։ Այսօր Աստվածը Ազատության հրապարակում բացում է իր տիեզերքը։ Ամսի 10-ին վաղը առավոտ Հայաստանի արշալույսը գալու է։