Ես ցուցարարների մոտ ագրեսիա չեմ տեսնում. Վլադիմիր Գասպարյան

Բաղրամյան պողոտայում գտնվող ՀՀ ոստիկանապետ Վլադիմիր Գասպարյանը լրագրողների հետ զրույցում նշեց, որ ցուցարարների մոտ ագրեսիա չի տեսնում, ինչի համար էլ ոստիկանությունը «զիջումների» է գնում՝ թույլ տալով հավաքվածներին մնալ պողոտայում։

Այն հարցին, թե արդյոք ինքը կվերանշանակվի ՀՀ ոստիկանապետի պաշտոնում, Վլադիմիր Գասպարյանը պատասխանեց, որ դա որոշում է Գերագույն գլխավոր հրամանատարը։ Նա կատակեց նաև՝ ասելով, որ իրեն «պաշտոնանկ է արել» թե՛ Րաֆֆի Հովհաննիսյանը և թե՛ ՀՀ կառավարության ղեկավարը՝ նկատի ունենալով կառավարության հրաժարականը։