«Առավոտ». Ե՞րբ Թովմասյանը կգնա նախագահական նստավայր

Երեկ նախագահ Սարգսյանի երդմնակալության արարողությանը ներկա էր նաև Հայաստանի կոմունիստական կուսակցության առաջնորդ Ռուբեն Թովմասյանը:

Փարատելով լրագրողների զարմանքը, որ ընդդիմադիր լինելով՝ եկել է նախագահի երդմնակալության արարողությանը, ընկեր Թովմասյանն ասաց, որ ինքն ընդդիմադիր էլ մնալու է՝ «քանի դեռ սոցիալիստական դրոշը՝ մուրճ ու մանգաղով, իր ձեռքին» չի գնացել նախագահական նստավայր: Իսկ իր ներկայությունն արարողությանը քաղաքավարական բնույթ է կրում. «Հրավիրվել եմ՝ մասնակցում եմ»: