Հայաստանը 144 երկրների շարքում 82-րդ հորիզոնականում է
Հայաստան
Կառավարության այսօրվա նիստում մինչ օրակարգային հարցերին անցնելը վարչապետի պաշտոնակատար Տիգրան Սարգսյանն անդրադարձավ երեկ հրապարակված Հայաստանի ցանցային պատրաստվածության վերաբերյալ տեղեկատվությանը:
«12 հորիզոնականով մենք մեր տեղը բարելավել ենք, և 144 երկրների շարքում 82-րդ հորիզոնականում ենք: Մանրամասն վերլուծությունը ցույց է տալիս, որ այս բնակագավառում, չնայած մենք 12 քայլով առաջ ենք գնացել, մենք դեռևս լուրջ անելիքներ ունենք, որովհետև նույնիսկ տարածաշրջանում մենք մրցակցային առումով հետ ենք մնում և՛ Ադրբեջանից, և՛ Վրաստանից:
Հասկանալի է, որ ճեղքվածքը, որը գոյություն ուներ մեր երկրների միջև, մասնավորապես՝ Ադրբեջանի, նվազել է, բայց, այնուամենայնիվ, 82-րդ տեղը մեզ չի կարող բավարարել: Անհրաժեշտ է, որ տրանսպորտի և կապի նախարարությունը մեզ ներկայացնի միջոցառումների ծրագիր ինչ քայլեր պետք է անենք, որպեսզի էապես բարելավենք այստեղ մեր դիրքը»,-ասաց Տիգրան Սարգսյանը` հավելելով, որ վերլուծությունը ցույց է տալիս, որ շատ խնդիրներ պահանջելու են, որ կառավարության բոլոր գերատեսչությունները ջանքեր գործադրեն:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
