Ճանաչվածների հարաբերությունները ծնողների հետ

Մայրիկդ գիտի՞ արդյոք, որ հանդիպում ես տղայի հետ: Ասե՞լ ծնողներին, որ արդեն փորձել ես ծոլ, բայց քեզ դուր չի եկել: Ցանկանում ես ինչ-որ բանի մասինխորհրդակցել, բայց գիտես նաև, որ իրական օգնության փոխարեն կստանաս բղավոցների և դասախոսությունների անխուսափելի բաժին: Իրականում ծնողներին կարելի է ասել ամեն ինչ, սակայն կարևոր է իմանալ՝ ինչպես և երբ:

Շփման 5 կանոն

Ընտրիր ճիշտ պահը
Վազքի պահին կարևոր գործի մասին չես կարող խոսել: Ընտրիր հանգիստ երեկո, երբ ոչոքոչ մի գործչի ունենա: Վատ չի լինի խոսակցության համար հարմար առիթ գտնել: Օրինակ՝ այդ թեմայով թոք-շոուն կամ ֆիլմը, որը ցանկանում էիր քննարկել: Ֆիլմը կարող ես ինքդ բերել. պարտադիր չէ հեռուստացույցից հաջողության սպասել:

Անկեղծությունն անկեղծությամբ
Միայն դու խոսելու բան չունես: Նրանք նույնպես ցանկանում են քեզ հետխոսել: Մի´ ընդհատիր, երբ մայրիկը հանկարծ սկսիհիշելիր երիտասարդությունը կամ ծանոթացնի իր խնդիրներին: Հետո խոսիր նրա հետ՝ ի պատասխան ասելով այն, ինչ վաղուց պատրաստվում էիր ասել: Այդպիսի վայրկյաններ հազվադեպ են պատահում, բաց մի թող այն. հիմա դուք խոսում եք հավասարը հավասարի հետ:

Չհանձնվես
Սկսում ես պատմել, բայց քեզ ընդհատում են, փոխո՞ւմ են թեման կամ անցնում բղավոցների՞ն: Հանգիստ: Ուշադիր լսիր և փորձիր չբորբոքվելու աչքերդ չչռել: Նրանք վերջացրի՞ն: Սպասիր դադարին և ասա, որ շատ ես ցավում խոսակցությունը չստացվելու համար: Մտիր քո սենյակը ու, շատ չէ, կես ժամից կլսես դռան թակոցը: Գուցե առաջին փորձից չստացվի, բայց, միևնույնն է, կհասնես ուզածիդ. խոսքերիդ կսկսեն ականջ դնել: Չէ՞ որ գլխավորը քեզ լուրջ մարդու տեղ դնելն է: Իսկ մեծերը հանգիստ լսելու ընդունակություն հաճախ չունեն: Փորձիր նրանց դաստիարակել անձնական օրինակով:

Քեզ չեն նկատում
Նույնիսկ ուրախ ես կարևոր հարցերի մասին պատմել մայրիկիդ, բայց նա անընդհատ զբաղված է, իսկ հայրիկը ուշ է վերադառնում և անմիջապես նստում հեռուստացույցի առջև... Ըստ վիճակագրության՝ մեկ օրում երեխաների և ծնողներիշփումը 30 րոպե է, իսկ այդ կես ժամը անիմաստ ծախսվում է «ճաշե՞լ ես» և «ի՞նչ կա դպրոցում» հարցերի վրա: Նախաձեռնությունը վերցրու ձեռքդ: Սեղան գցիր. պետք չէ ճաշացանկ հորինել, պարզապես թեյ պատրաստիր և ծնողներիդ հրավիրիր «լուրջ խոսակցության»: Գլխավորն այն է, որ չուշաթափվեն, հետոկորոշեն՝ ինչ ես ուզում իրենց հայտնել ամուսնանալուդ մասին:

Բացատրիր, ոչ թե վիճիր
Հայրերի և որդիների խնդիրը հին է, ինչպես աշխարհը. ոչոքչի ցանկանում հասկանալ մյուսին, բոլորն իրենցն են պնդում, և քեզ հետ ոչ ոք հաշվի չի նստում: Փաստարկներ փնտրիր: Դու պետք է սովորես ոչ միայն քայլերդ և որոշումներդ բացատրել, այլև նույնը սովորեցնես ծնողներիդ: Եթե նրանք պնդում են, որ պետք է տանը լինես երեկոյան ժամը 9-ին, և վերջ, սկզբի համար հարցրու՝ ինչո՞ւ: Երբ պատասխանում են՝ «վտանգավոր է», ապացուցիր նրանց, որ ընկերների հետ շքամուտքում մինչև ժամը 23-ը նստելը միանգամայն անվտանգ է: Փնտրիր համախոհներ (նրանք կարող են լինել ընկերուհիներիդ մայրիկներն ու տատիկները) և իրավունքներդ պաշտպանիր տրամաբանորեն, ոչ թե բղավելով ու վիրավորելով: Արդեն մեծ ես և մի պահիր քեզ ինքնասածի երեխայի պես: Ամենակարևորն այն է, որ մայրիկն ու հայրիկը ևս դա հասկանան: Իսկ եթե հայրիկդ վստահեցնում է, որ միշտ լսել է ծնողներին, մի հավատա: Այդպես չի լինում: Հարցրու պապիկիցդ :)

Հռիփսիմե Հակոբյան
«Իհարկե, եղել են պահեր, երբ որևէ հարցի մասին ծնողներիս հետ խոսել կաշկանդվել եմ, բայց փորձել եմ հարմար պահ ստեղծել դրա համար: Գրեթե միշտ «կիսվում» եմ մայրիկիս հետ. նա կյանքիս ամենակարևոր խորհրդատուն է»,- ծնողների ու երեխաների փոխհարաբերությունների մասին խոսելիս նշեց երգչուհի Հռիփսիմե Հակոբյանը: Նա ավելացրեց, որ շատ հարցեր կան, որոնց մասին չի կարող խոսել ծնողների և նույնիսկ ընկերուհիների հետ:

Երգչուհին նաև մի դեպք հիշեց իր դեռահասության շրջանից, երբ ծնողները դեմ են գնացել իր այս կամ այն նախասիրությանը. «Մաման միշտ ցանկանում էր, որ ես և քույրս այլ կերպ հագնվեինք, սակայն մենք, չգիտես ինչու, ուզում էինք շուտ մեծանալ ու մեծական հագուստներ հագնել, ինչն այժմ ծիծաղելի է :)»:

Սյուզի Մելիքյան
Երգչուհի Սյուզի Մելիքյանի համար հիանալի ընկեր է մայրը, ում հետ նա ցանկացած հարցի մասին կարող է խոսել: «Պապաս բնավորությամբ խիստ է, և նրան կդիմեմ միայն շատ լուրջ խնդիրների դեպքում, իսկ իմ լավագույն զրուցընկերը մայրս է»,- ասաց երգչուհին: Ըստ Սյուզիի՝ այժմ խիստ անձնական գաղտնիքներ չունի: «Երբ անձնական կյանք ունենալու ժամանակը գա, դժվար թե ամեն հարցով զրուցեմ ծնողներիս հետ, որովհետև դա շատ անձնական կլինի»,- ավելացրեց Սյուզին: Երգչուհին հիշեց նաև, որ ժամանակին հայրը դեմ էր, որ աղջիկը երգի, սակայն մայրիկի միջոցով կարողացել է ստանալ հոր համաձայնությունը և զբաղվել սիրած աշխատանքով:

Աստղիկ Սաֆարյան
Ներկայումս Իսպանիայում բնակվող երգչուհի Աստղիկ Սաֆարյանը նշում է, որ առհասարակ փորձել է իրեն հուզող հարցերի պատասխաններն ինքը գտնել և չանհանգստացնել ծնողներին: «Սակայն երբ դիմել եմ նրանց, միշտ ստացել եմ գրագետ պատասխաններ: Ավելի հաճախ «կիսվում» եմ հայրիկիս հետ. նա իմ ամենամտերիմ ընկերն է: Նա ինձ շատ լավ է հասկանում. անգամ տրամադրությունիցս կարող է հասկանալ, որ այդ օրը որևէ խնդիր եմ ունեցել: Մայրս ավելի էմոցիոնալ ու ներողամիտ է, սակայն ես իմ մարդկային տեսակով ավելի շատ հորս եմ նման, ինչի արդյուքնում էլ իրար շատ լավ ենք հասկանում»,- ասաց երգչուհին: Նրա խոսքերով՝ դեռ մանկուց հիշում է, որ որևէ հարցում ծնողները երբեք դեմ չեն գնացել իրորոշումներին: «Հենց նրանց այդ վստահությունն էլ ինձ միշտ պարտավորեցրել է ճիշտ որոշումներ կայացնել: Միշտ էլ ասում եմ, որ Աստված իմ հանդեպ շատ առատաձեռն է ծնողներիս ու ընդհանրապես ընտանիքիս հարցում»,- շեշտեց Աստղիկը: Այս մասին գրում է esyes.am-ը: