Մարիաննա Հովհաննիսյան. Ես միշտ գնումներ կատարում եմ արտերկրում

Որպես կանոն, մեզ հայտնի է աստղերի կյանքի միայն մի կողմը՝ փայլուն եւ տոնական: Նրանց կյանքի հենց այդ կողմին ենք մենք նախանձում, ովքեր՝ լուռ, ովքեր էլ՝ բարձրաձայն: Մենք քննարկում ենք նրանց հոնորարներն ու կյանքի մակարդակը, աստղերի մասին բամբասանքներ լսում:

Մարիաննա Հովհաննիսյանին, իհարկե, երիտասարդ տարիքի պատճառով դժվար է աստղ կոչել: Սակայն նա Հայաստանում բավական հայտնի է, որպեսզի կարողանանք նրան այս խորագրում տեղ հատկացնել: Եվ «ոչ բավարար պրոֆեսիոնալ» ձայնի, հայկական շոու-բիզնեսում առաջ ընթանալու եւ բնավորության ու ինտելեկտի որոշ գծերի մասին բամբասանքներն արդեն բավարար են:

NEWS.am STYLE-ը որոշեց ճշտել 10 փաստ Մարիաննայի մասին, որոնց շնորհիվ կարելի է փոխել այս երգչուհու մասին կարծիքը: Եվ այդ տեղեկությունները երգչուհին անձամբ ներկայացրեց:

1. Ես միշտ գնումներ կատարում եմ արտերկրում:

2. Նախընտրում եմ օծանելիքի այնպիսի բույրեր, որոնք կայուն են եւ խոսում են մարդու բնավորության եւ հակումների մասին:

3. Մանկության տարիներին անձնական օրագիր ունեի, բայց տարիներ անց այն վերածվեց տետրի, որտեղ հաճախ գրանցում եմ իմ ստեղծագործությունները:

4. Երբեք տանից դուրս չեմ գալիս առանց պայուսակի եւ ակնոցի:

5. Ատում եմ երկերեսանիությունը, սուտն ու անպատասխանատվությունը:

6. Առավոտը շատ դժվար է սկսվում: Ես վաղ եմ արթնանում, հիմնականում՝ լավ երաժշտության տակ:

7. Չեմ հիշում, թե ո՞րն է ամենաթանկ իրը, որ ձեռք եմ բերել, քանի որ երբեմն ավելի մեծ արժեք են ունենում ոչ թանկ իրերը:

8. Ես շատ եմ սիրում նվերներ մատուցել: Նույնիսկ ավելի, քան ստանալ: Եթե նվերը նաեւ պետքական է լինում, դա ինձ հսկայական հաճույք է պատճառում:

9. Ծննդյանս տոները տարբեր կերպ եմ նշում: Դեռեւս չի եղել դեպք, որ ամեն ինչ կրկնվի: Բայց մի բան անփոփոխ է. իմ շուրջը պետք է լինեն մարդիկ, ում սիրում եմ:

10. Ես հոբբի չունեմ: Թերեւս միայն այն, որ ազատ ժամանակ սիրում եմ կարդալ, լավ ֆիլմ դիտել եւ զբոսնել քաղաքում՝ ականջակալներով երաժշտություն լսելով»: