Վենեսուելան` նախագահական ընտրություններից 2 օր առաջ

Վենեսուելայում նախագահական ընտրությունների նախաշեմին ավարտվել է նախըտնրական քարոզարշավը, որի կարիքն առաջացել էր մարտի 5-ին վախճանված նախագահ Ուգո Չավեսի մահից հետո: Ընտրությունները Վենեսուելայում նշանակվել են ապրիլի 14-ին:

Իշխող միասնական սոցիալիստական կուսակցությունից նախագահի պաշտոնի համար պայքարելու է Վենեսուելայի նախագահի ժ.պ. Նիկոլաս Մադուրոն: Նրա հիմնական հակառակորդն ընդդիմադիր դեմոկրատական կուսակցության ներկայացուցիչ Էնրիկե Կապրիլեսն է, ով արդեն պայքարում էր նախագահի պաշտոնի համար դեռևս Ուգո Չավեսի նախագահության օրոք: Նա անցյալ տարի հոկտեմբերին կայացած նախագահական ընտրություններում դրել էր իր թեկնածությունը և պարտվել Չավեսին` հավաքելով 44% ձայն: Չավեսի օգտին քվեարկել էր ընտրողների 55%-ը: 

Նիկոլաս Մադուրոն իր հերթին վստահություն է հայտնել իր հաղթանակի հարցում. գրում է Ruvr.ru-ն: