Ռեկորդի վերաբերյալ ճնշումն ավելի շատ կազդի խաղընկերների, քան Հենրիկ Մխիթարյանի վրա. Մորոզով

Ուկրաինայի վաստակավոր մարզիչ Սերգեյ Մորոզովը խոսել է Ուկրաինայի առաջնության «Շախտյոր»-«Զարիա» խաղի մասին և անդրադարձել նաև դոնեցկցիների կիսապաշտպան Հենրիկ Մխիթարյանին. տեղեկացնում է terrikon-ը:

«Բորուսիայի» հետ խաղից հետո Հենրիկը լավագույն մարզավիճակում չէր, բայց մարզիչը շարունակում էր նրան հիմնական կազմում ընդգրկել, և ինչպես երևում է, Հենրիկը վերգտավ իր խաղը: Դա Լուչեսկույի հոգեբանական աշխատանքի արդյունքն է: Արդյունքում՝ վերջին  բարդ խաղերում ձմեռային ընդմիջումից հետո ոչ մի միավոր թիմը չկորցրեց:

-«Զարիայի» հետ խաղից առաջ մամուլի ուշադրությունը սևեռված է Հենրիկ Մխիթարյանի՝ Ուկրաինայի առաջնությունում ռեկորդի և Ստարուխինի ռեկորդը գերզանցելու հարցին: Նման հոգեբանական ճնշումը չի՞ ազդի արդյոք Հենրիկի  արդյունավետության վրա։

-Հենրիկի վրա՝ ոչ, իսկ խաղընկերների վրա՝ կարող է: «Շախտյորն» այժմ փոխօգնության և փոխադարձ փոխարինման ակումբ է, որը մարզչի աշխատանքի արդյունք է: Ակումբում ստեղծված է ընկերասեր մթնոլորտ: Այդ պատժառով էլ, կարծում եմ, խաղընկերները ձգտելու են օգնել Հենրիկին և մտածելու են ռեկորդի մասին: Եթե, օրինակ, նույն դիրքի վրա հայտնվեն Մխիթարյանն ու Ադրիանոն, ապա փոխանցումը կկատարվի Մխիթարյանին, որպեսզի նա ավարտի գրոհը: Իսկ ինքը՝ Հենրիկը, հոգեբանորեն կայուն է և ինքնահավան չէ, և նրա վարքը պայմանավորված չէ խփած գոլերի քանակով»,-նշել է Սերգեյ Մորոզովը:

Նշենք, որ «Շախտյոր»-«Զարիա» հանդիպումը տեղի կունենա ապրիլի 13-ին: