«Հանրապետություն» կուսակցությունը եղել է հրապարակում, բայց ոչ՝ հարթակում
Հայկական Մամուլ
«Դժվար է պատասխանել, թե ինչու չստացվեց: Հավանաբար պլանավորված չէր արդյունքը: Համապատասխան նախապատրաստական աշխատանքներ արված չէին»,- «Առավոտ»-ի հետ զրույցում այսպես մեկնաբանեց ապրիլի 9-ի իրադարձությունները «Հանրապետություն» կուսակցության վարչության անդամ Արտակ Զեյնալյանը:
Նա վստահեցրեց, որ այդ օրը «Հանրապետություն» կուսակցությունը Րաֆֆի Հովհաննիսյանի շարժմանը մասնակցել է, բայց աչքի չի ընկել, որովհետև հարթակում չի եղել: Արտակ Զեյնալյանի խոսքերով՝ «Մենք ամբողջությամբ ենթարկվում էինք հրահանգներին: Մենք չէինք բարձրանալու հարթակ ու չէինք վերցնելու հարթակը: Դա մերը չէր: Այդտեղ ուղղակի մեր առաքելությունը ժողովուրդ լինելն էր, և մենք ժողովուրդ էինք այդ օրը, մասնակցում էինք: Հրամանատար կար, և ինքն էր որոշում ինչպես անել, ինչպես վարվել: Իրենն էր այդ ամեն ինչը, «Ժառանգությանն» էր»:
Արտակ Զեյնալյանը չցանկացավ անդրադառնալ Րաֆֆի Հովհաննիսյանին ուղղված քննադատություններին. «Անկախ նրանից, թե ես ինչ գնահատականներ ունեմ, այս պահին ձեռնպահ կմնամ որևէ գնահատական տալ»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
