Րաֆֆու՝ մենակ մնալու սցենարը

«Րաֆֆու մենակ մնալու սցենարը դեռ երևակվել էր մեկ շաբաթ առաջ, սակայն նրա մենակ մնալը, կարծում եմ, չթուլացրեց նրա ու ժողովրդի համոզումն ու հավատամքը դեպի նոր Հայաստանը: Ժողովրդի հետ լինելու մասին հայտարարած այլ ուժեր ևս չկային: Սա քաղաքական որոշում է, մոտեցում: Գնահատականը կտա ժամանակը»,- պատասխանելով հարցին, թե ինչու ՀՅԴ-ականները, ովքեր նախորդ հանրահավաքներում Րաֆֆի Հովհաննիսյանի կողքին էին, ապրիլի 9-ին մենակ թողեցին «Ժառանգության» առաջնորդին, «168 ժամի» թղթակցի հետ զրույցում ասել է ՀՅԴ անդամ Լիլիթ Գալստյանը:

Վերջինս չի կարծում, թե ապրիլի 9-ին և դրանից հետո հասարակությունը հիսաթափվել է. «Հուսահատության մասին ավելի շատ խոսում են կողքից մարդիկ, ովքեր կուզենային մարած տեսնել շարժումը կամ այն տանել անկանխատեսելի սցենարների: Այդ օրը հրապարակում կային ոմանք, ովքեր շիկացնում էին մթնոլորտն ու կտրուկ գործողություններ պահանջում: Ես, իհարկե, չեմ բացառում նաև անկեղծ պոռթկումի տեսակը, որ զզված է այս իրականությունից»,- ասել է նա: