Միանայի, ի՞նչ անեի, միանայի, որ գնայի Վովա Գասպարյանի հետ աղոթեի՞. Լևոն Տեր-Պետրոսյան

Այսօր Լևոն Տեր-Պետրոսյանը, անդրադառանալով հետընտրական շրջանում տեղի ունեցող իրադարձություններին, ասաց.

Մեզ հաճախ են մեղադրում, թե ինչու մենք հրապարակում չենք, ինչու չենք միանում Րաֆֆիին, ավելի դեմագոգիկ ձևով ասում են՝ ինչո՞ւ չեք միանում ժողովրդին, և այլն, և այլն:

Մերոնք էլ անհարմար վիճակների մեջ են մտնում, կոմպլեքսավորվում են, պետք չէ: Ես չէի ուզի՝ Րաֆֆիի մասին որևէ բացասական բան ասել, ոչ մի բացասական, հեգնական գնահատական տալ, չի կարելի։ Երբ որ մեկը բարիկադների վրա է, նրան չի կարելի այսպիսի դիտողություններ անել: Բայց երբ որ ասում են՝ ինչու չեք միանում, մենք միակ քաղաքական ուժն ենք, որ հստակ արտահայտվել ենք, որ հաղթել է Րաֆֆի Հովհաննիսյանը և ոչ թե Սերժ Սարհսյանը: Սա քաղաքական առումով մեծագույն աջակցություն էր:

Մեր ակտիվիստների մեծագույն մասը միշտ եղել է հրապարակում, եթե չչափազանցնեմ, հրապարակի կեսը եղել են Կոնգրեսի աջակիցները:

Ասում էին՝ ինչո՞ւ ղեկավարությունը չեկավ հարթակ, այստեղ, կներեք, մի շատ մոդայիկ հարց կա, որը շրջանառության մեջ է դրել մեր հարգարժան Սերժ Սարգսյանը՝ միանայի, ի՞նչ անեի, միանայի, որ գնայի Վովա Գասպարյանի հետ աղոթեի՞: Կներեք, ուզում եք, հավատացեք, ուզում եք՝ ոչ, Վովայի հետ աղոթելը իմ մանկության երազանքը չի եղել: Հիմա՝ մի քիչ ավելի լուրջ: Մեկ անգամ ընդմիշտ թող բոլորը հասկանան՝ մենք քաղաքական կուսակցություն ենք, քաղաքական ուժ ենք, և մենք միանում, աջակցում, սատարում ենք քաղաքական պրոցեսներին. կլինի քաղաքական պրոցես, մենք միշտ այնտեղ ենք, չի լինի, մենք այնտեղ չկանք:

Մենք հետընտրական շրջանի այս իրադարձություններում տեսանք ամեն ինչ՝ բացի քաղաքական պրոցեսից: Հիմա էլ մենք «Ժառանգության» հետ պատրաստ ենք համագործակցել, քաղաքական պրոցեսներ ասելով՝ ես հասկանում եմ ընտրությունները, խնդրեմ, եկե՛ք միանանք: Կարող էինք միասնական ցուցակով հանդես գալ, մենք հավակնություններ չունեինք՝ քաղաքապետ ունենալու։ Ով ուզում էր լիներ՝ ՀՅԴ, ԲՀԿ, մեզ համար ոչ մի նշանակություն չուներ: Չուզեցին, չարեցին: Երեքով փորձեցին, էլի չստացվեց: Չեմ ուզում որևէ մեկին մեղադրել...

Այս իշխանությունը տոտալիտար իշխանություն է, որևէ վակուում թույլ չի տալիս. եթե ձեռքից գա, թույլ չի տա անգամ մի գյուղապետ ընտրվի այլ կուսակցությունից: Հիմա կա շանս, կա հնարավորություն Երևանում ջախջախիչ պարտություն մատնելու Սերժ Սարգսյանին...

Տարոնն ինձ համար անձ չի, նա համակարգի մի խամաճիկն է, և Տարոնը, եթե չընտրվի Տարոնից լավը չի լինելու: Մենք պայքարում ենք ոչ թե անձերի դեմ, այլ համակարգի դեմ: