Հենրիկ Մխիթարյանի ռեկորդը և «Շախտյորի» հաղթական սերիան (տեսանյութ)

Ուկրաինայի առաջնության 24-րդ տուրի շրջանակներում «Շախտյորը» «Դոմբաս Արենայում» հյուրընկալեց «Զարիային»:

Դաշտի տերերը կարողացան հաղթանակ կորզել և շարունակել ամրապնդել դիրքերը մրցաշարային աղյուսակի առաջին հորիզոնականում:

Խաղի ընթացքում դարպասի առաջին գրավումը արձանագրվեց հանդիպման ավարտից 9 րոպե առաջ՝ գոլի հեղինակ դարձավ Կրիվցովը, իսկ 89-րդ րոպեին Հենրիկ Մխիթարյանը կրկնապատկեց իր թիմի առավելությունը՝ իր գոլերի քանակը հասցնելով 22-ի, արդյունքում Հենրիկը կրկնեց Շացկիխի և Ռեբրովի ռեկորդը՝ դառնալով մեկ մրցաշարի ընթացքում ամենաշատ գոլ հեղինակած ֆուտբոլիստներից մեկը, իսկ ավելացված ժամանակում Ադրիանոն եռապատկեց դոնեցկցիների առավելությունը:

«Շախտյոր»-«Զարիա»՝ 3:0։