Նկարչուհին մերկացել էր իր աշխատանքների ցուցահանդեսին (ֆոտո)

Արվեստի բաժնի ուսանողուհի 22-ամյա Քաթ Լին, ի նշան բողոքի, մերկացել էր այն բանի համար, որ համալսարանը մերժել էր ցուցադրել իր էրոտիկ աշխատանքները տեղի ցուցահանդեսում: Նա ստիպված էր ծածկել իր ակնհայտորեն «բաց» նկարները ծածկոցով, որովհետեւ Բրայթոնի համալսարանի ցուցահանդեսում դրանք համարվել են վիրավորական:

Նրա շատ գրաֆիկական աշխատանքները, որոնք այստեղ ցուցադրված չէին, պատկերում էին սեռական ակտի տարատեսակ ցուցադրություններ:

Ուսանողուհին այնքան էր վրդովվել, որ ցուցահանդեսում մերկացավ՝ մնալով միայն կրծքկալով եւ անդրավարտիքով: Նա ձեռքում պահած ուներ իր բողոքը ներկայացնող ցուցանակ՝ ընդդեմ, իր կարծիքով, համալսարանի անարդար որոշման:

Համալսարանի ներկայացուցիչները իրենց որոշումը արդարացնում են՝ պարզաբանելով, որ ցուցահանդես կարող են հաճախել նաեւ երեխաները, եւ նմանատիպ նկարները կարող են վիրավորական լինել նրանց եւ երեխաների ծնողների համար: Նրանք Քաթին առաջարկել են իր աշխատանքները ցուցադրել դրանց համար հատուկ հատկացված տեղում՝ առանձին սենյակում, որի մուտքի մոտ կա ցուցանակ՝ 18 տարեկանից բարձր անձանց համար, սակայն Լին մերժել է այն: «Ես ուզում եմ հայտարարել, որ արվեստը պետք է ցնցի եւ տպավորություն թողնի մարդկանց վրա: Սա ուրիշ սերունդ է, որը ավելի ազատ է էրոտիկ նյութերի նկատմամբ»-ի փոխանցմամբ ասել է Լին:

Նյութը՝ slaq.am