Արսեն Սաֆարյանին օձ են նվիրել

Esyes.am-ի հետ զրույցում Արսենն ասաց, որ այս տարի իր ծննդյան արարողությունը նշելու ցանկություն սկզբում չուներ, սակայն,այնուամենայնիվ, նշեց այն:

«Ավանդական հայկական ծնունդ էր՝ ավանդական հայկական սեղանով, երաժշտությամբ: Այս տարի ծնունդս նշելու ցանկություն չունեի, քանի որ ավելի շատ կնոջս, երեխաներիս ծնունդն եմ սիրում ճոխ նշել: Ինձ շատ է դուր եկել 30 ամյակս, որ համերգով նշեցի…Դե նույն իրավիճակից հոգնում ես, բայց քանի որ ընկերներս ասացին՝ եթե դու չես նշում,մենք կնշենք, էդպես էլ արեցի»,-ասաց Արսենը:

Ըստ Արսենի՝ բավականին շատ նվերեր, բարեմաղթանքներ է ստացել, սակայն իրեն ամենից շատ տպավորել է ընկերներից մեկի նվիրածը:

«Ամենից հետաքրքիրը ընկերներիցս մեկի՝ օձի տարին խորհրդանշող օձ-նվերն էր (նշենք, որ Արսենը ծնվել է Օձի տարում-հեղ.), եղբորիցս երաժշտական գործիքներ եմ ստացել, իսկ կինս պիջակ է նվիրել.կան նաև շատ ու շատ նվերներ, որոնք դեռ չեմ հասցրել նայել»,- խոստովանեց Արսենը:

Ծննդյան արարողության հյուրերի աստղային ցուցակում գտնվողներից Անդրեի, Արամեի, Արսեն Գրիգորյանի և այլոց նվերները Արսենը նույնպես դեռ չի հասցրել նայել:

«Նրանց նվերները երգի տեսքով չի եղել, քանի որ չեմ սիրում, որ մեր արարողություններին մենք ենք երգում: Երգել են այդ ռեստորանի երգիչ-երգչուհիները, մենք էլ պարել ենք, ուրախացել»,-փոխանցեց Արսենը:

Երգիչն իր ծննդյան օրերին տխրության զգացում չի ունենում. կարծում է՝ կյանքի ամեն փուլ իր գեղեցկությունն ունի:

«Մեկ տարով էլ մեծացա, մեկ տարով էլ,կարծում եմ, խելոքացա (ծիծաղում է), ավելի փորձառու դարձա: Մարդ չպետք է վախենա իր տարիքից, մանավանդ կարծում եմ, որ հիմա հրաշալի տարիքում եմ գտնվում »,- նշեց Արսենը:

Երգչի երկրպագուներն էլ անմասն չեն մնացել իրենց սիրելի երգչի շնորհավորանքներից:

«Ես չեմ սիրում, որ երկրպագուներն անձնական կյանք են ներխուժում, բայց բարեմաղթանքներ հաստատ ուղարկել են»,- հայտնեց երգիչը: