Նորամուծություն Հայաստանի ձկնարտադրության ոլորտում (լուսանկարներ)

Ջրի քիչ քանակությամբ և փոքր տարածք զբաղեցնելով՝ այսուհետև հնարավոր կլինի արտադրել էկոլոգիապես մաքուր և միջազգային բոլոր չափորոշիչներին համապատասխան ձկնատեսակներ: «Արմենիա Ֆիշ» ընկերությունը, ուսումնասիրելով եվրոպական մի շարք առաջատար ձկնարտադրող և նախագծող ընկերությունների գործունեությունը, պայմանավորվածություն է ձեռք բերել ոլորտի առաջատար դանիական՝ «Բիոմար» ընկերության հետ Հայաստանում դեռևս գոյություն չունեցող նորագույն տեխնոլոգիաների և սարքավորումների ձեռքբերման և ներկրման ուղղությամբ:

Դանիական «Բիոմար» ընկերության տեխնոլոգիան և ներկրվելիք սարքավորումները ներկայումս ամենաարդիականն են: Ընկերությունը իր առջև դրել է խնդիրներ' ներառելով արտադրությունը ապահովել ջրի զտման, թթվածնով հարստացնելու նորագույն սարքավորումներով, ջրի օգտագործման քանակը հասցնել նվազագույնի՝ կրճատելով 70%-ը, բիոֆիլտրների ու մեխանիկական ֆիլտրների միջոցով ջուրը մաքրել և 5-7 անգամ օգտագործել, որի արդյունքում 1 խ.մ–ի մեջ կապահովի տարեկան 250 կգ ձկան բուծում, այն դեպքում, երբ ներկայումս ՀՀ տարածքում առավելագույնը կարողանում են ստանալ 10 կգ ապրանքային ձուկ:

Ջրի կորուստը նվազագույնի հասցնելը չի անդրադառնա ձկան համային և որակական հատկությունների վրա:
2013թ. ընկերությունը նախատեսում է իրականացնել 2000 տ թառափի արտադրություն, իսկ 2014թ-ից՝ նաև 2000 տ իշխանի արտադրություն, հետագայում 2020թ. թառափի ձկնկիթի արտադրություն և արտահանում:

«Արմենիա Ֆիշ» ընկերությունը նախատեսում է 2013թ.–ի համար իրականացնել 5-7 մլն, իսկ 2014թ. – ին՝ 10 մլն ԱՄՆ դոլարի ներդրում:

«Արմենիա Ֆիշ» ընկերությունը համապատասխան պայմանավորվածություն ունի նաև եվրոպական ստանդարտացման ընկերությունների հետ, որոնք կհետևեն արտադրական պրոցեսի ընթացքին, ինչը կնպաստի ձկնատեսակների արտահանմանը դեպի եվրոպական շուկա:

Այսպիսով հայաստանյան «Արմենիա Ֆիշ» ընկերությունը դանիական «Բիոմար» ընկերության հետ միասին լուրջ և դրական բեկում կմտցնի հայրենական ձկնարտադրության մեջ, նոր որակի ու նորանոր քանակների կհասցնի հայկական ձկնարդյունարդյունաբերությունը' տեղական և միջազգային շուկաներում:

{gallery}dzuk{/gallery}