Ռոբերտ Լևանդովսկիին կանգնեցնելը նույնքան դժվար է, որքան նրա ազգանունը արտաբերելը. Մարսելո

Մադրիդի «Ռեալի» պաշտպան Մարսելոն խոսել է Չեմպիոնների լիգայի կիսաեզրափակչում «Բորուսիայի» հետ կայանալիք խաղի մասին:

«Մենք ցանկանում ենք հասնել երկար սպասված եզրափակչին, սակայն հասկանում ենք, որ հանդիպում է սպասվում շատ ուժեղ և լավ ակումբի հետ: Դորտմունդում մենք նրանց պարտվել ենք, իսկ Մադրիդում պարտությունից փրկվել ենք խաղի 89-րդ րոպեին Օզիլի գոլի շնորհիվ: Դժվար է լինելու:

Ռոբերտ Լևանդովսկիին կանգնեցնելը նույնքան դժվար է, որքան նրա ազգանունն արտաբերելը: Այնուամենայնիվ, գիտենք, որ «Բորուսիան» ուժեղ թիմ է և չպետք է մտածենք մեկ ֆուտբոլիստի մասին»,-Մարսելոյի խոսքերը մեջբերում է իսպանական մամուլը:

Նշենք, որ Չեմպիոնների լիգայի «Բորուսիա»-«Ռեալ» կիսաեզրափակիչ առաջին հանդիպումը տեղի կունենա ապրիլի 24-ին Դորտմունդում, պատասխան խաղը՝ ապրիլի 30-ին: