Լևոն Տեր-Պետրոսյանը քաղաքական ժուլիկությամբ է զբաղված. Ռուբեն Հակոբյան

Լևոն Տեր-Պետրոսյանը համագումարում ելույթի ժամանակ գովաբանեց ԲՀԿ-ին, բամբասեց Րաֆֆի Հովհաննիսյանից և խոսեց բուրժուադեմոկրատական հեղափոխությունից։ Այս մասին այսօր լրագրողների հետ հանդիպման ժամանակ ասաց «Ժառանգություն» խմբակցության ղեկավար Ռուբեն Հակոբյանը։

Վերջինս նշեց, որ դա հակասում է Լևոն Տեր-Պետրոսյանի կողմից արված նախորդ հայտարարություններին: «Լևոն Տեր-Պետրոսյանը քաղաքական ժուլիկությամբ է զբաղված։ Նախ փորձեց համագործակցել Սերժ Սարգսյանի հետ, այնուհետև՝ ԲՀԿ-ի, բայց մինչև այս պահը Գագիկ Ծառուկյանն ինքն է օգտագործել ՀԱԿ-ին և Լևոն Տեր-Պետրոսյանին, և դրա երաշխիքն ԱԺ ընտրություններն էին»,-ասաց Ռուբեն Հակոբյանը, հավելելով, որ այդ մարտավարությունը շարունակվում է նաև այժմ: