Երևանի ՃՈ պետը քաղաքացու օգնությամբ ջրանցքից դուրս է բերել 15–ամյա աղջկա

Այսօր՝ ապրիլի 16-ին, Երևանի Ճանապարհային ոստիկանության պետ Արսեն Արշակյանը՝ քաղաքացու օգնությամբ, փրկել է 15-ամյա աղջկա կյանքը:

Ինչպես հայտնում է shamshyan.com-ը, ժամը 13:10-ի սահմաններում՝ ծառայության մեկնելու ժամանակ, Երևանի ՃՈ պետ Ա. Արշակյանը նկատում է, որ Նորագյուղի ջրատարում, որի խորությունը 3 մ-ից ավելի է, մի քաղաքացի փորձում է մի աղջկա դուրս բերել ջրանցքից:

Նկատելով դա՝ Երևանի ՃՈ պետն օգնության ձեռք է մեկնում և մտնելով ջրանցքի մեջ՝ քաղաքացու հետ կարողանում է այդ աղջկան դուրս բերել, որից հետո ահազանգում են 1-03 ծառայություն, և 06 բրիգադը կարճ ժամանակում հասնում է դեպքի վայր և աղջկան՝ Գոհար Ա.-ին, ով Երևան քաղաքի Ֆրունզե փողոցի բնակիչ է և սովորում է մայրաքաղաքի գիշերօթիկ դպրոցներից մեկում, միջին ծանրության ախտորոշմամբ տեղափոխում են «Սուրբ Աստվածամայր» բժշկական կենտրոն:

Փաստի առթիվ Ոստիկանության Մալաթիայի բաժնի հետաքննչական բաժանմունքում նյութեր են նախապատրաստվում և ըստ տեղեկությունների՝ աղջիկը նման եղանակով փորձում էր ինքնասպան լինել: