Մերկությունը լիքն է պահում հայտնիների քսակները

Բոլոր ժամանակներում էլ կնոջ մերկ, գեղեցիկ մարմինը հիացմունքի է արժանացել: Հայտնի կտավներում պատկերված մերկ կանանց նկարներն իրենց տեղն են գտել անգամ թանգարաններում: Հավանաբար ոչ թանգարանային ցուցադրության, սակայն մշտապես քննարկումների կիզակետում մնալու և ամսագրերի շապիկներին հայտնվելու համար սկսեցին մերկանալ հոլիվուդյան աստղերը: Փայլող աստղերը մեկը մյուսի հետևից սկսեցին ցուցադրել և անմահացնել իրենց բարեմասնությունները լուսանկարչական խցիկի առաջ: Մեկը մյուսի հետևից մերկ ֆոտոշարքեր են անում Փերիս Հիլթոնը, Մադոննան, Լեդի Գագան և այլք: Նորաձևությունը մշտապես նոր միտումներ է առաջ քաշում. մեկ այդ հայտնիներին տեսնում ես շատ մեծ բացվածքներով հագուստներով, մեկ՝ խիստ դասական հագուկապով, մեկ էլ բոլորը սկսում են մերկանալ: Կարծես իրենց մերկությամբ ուզում են դառնալ նորաձևության բաղկացուցիչ մաս՝ ինչպես, ասենք, հագուստի գույնը, կոշիկի ձևը կամ էլ սանրվածքը:

Եթե ընդունենք, որ հայտնի և ճանաչված մարդիկ ինչ-որ տեղ նաև ճաշակ են թելադրում, ուրեմն կարելի է ենթադրել, որ մերկանալու և ֆոտոշարքեր անելու այս մարմաջը կվարակի շատերին: Գուցե շատերը սկսեն հիանալ և հիացնել իրենց բնական գեղեցկությամբ: Պարզապես պետք է հաշվի առնել, որ երբեմն մերկ լուսանկարներն արվում են շատ գեղեցիկ, գրագետ ու ակնահաճո են լինում, երբեմն էլ լինում են գռեհիկ ու անգամ տհաճ: Այնպես որ, հարգելի հայտնիներ, մերկ լուսանկարվելու որոշում կայացնելուց առաջ նախ մանրակրկիտ մտածեք, թե ինչպես եք ներկայանալու, որ հաճելի լինեք, ոչ թե գռեհիկ:

{gallery}merkk{/gallery}

esyes.am