ՀՀՇ-ի նախկին անդամների մոտ տարակուսանք է առաջացրել ՀԱԿ մոտեցումը
Հայկական Մամուլ
ՀՀՇ կուսակցության նախկին անդամների մոտ տարակուսանք է առաջացրել ՀԱԿ այն մոտեցումը, որ վարչության անդամների անունները նախօրոք գրվել և առանց փակ-գաղտնի քվեարկության հաստատվել են, ինչը երբեք ՀՀՇ-ի օրոք չի եղել,- ասացին նրանք՝ այդ մոտեցումը գնահատելով որպես տոտալիտար քայլ, անհարիր ժողովրդավարական կուսակցությանը:
Հարցին, թե ինչու բոլոր դեպքերում որոշեցին խախտել իրենց համագումարների ավանդույթը և քվեարկել բաց, ինչպես Կոմկուսը, ՀՀՇ նախկին փոխնախագահ, ՀԱԿԿ վարչության անդամ Վահագն Հայոցյանը պատասխանեց. «Մեզ չի հետաքրքրում, թե ով ինչ է մտածում, մեր անելիքը մենք ենք որոշում, եթե ՀՀՇ-ում էդպես է եղել, էսօր էդպես չէ: Մեր համագումարը որոշել է այդպես, արել ենք այդպես»:
Ի դեպ, տեսակետ կա, որ մտահոգություն-վախ է եղել, որ գաղտնի քվեարկության դեպքում ցուցակը չի հաստատվի, հետևաբար նաև Տեր-Պետրոսյանը չի ընտրվի վարչության նախագահ՝ դիմեցինք Վահագն Հայոցյանին: «Եթե կար մեկը, որը կցանկանար դնել իր թեկնածությունը, թող առաջարկեր, թող մասնակցեր, ի՞նչ կար վախենալու կամ մտահոգվելու»,- ասաց նա»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
