Էլեկտրիկ կապույտի վերադարձը

Երկնագույնի ու փիրուզագույնի միջև ընկած էլեկտրիկ կապույտը, որը չափազանց նորաձև էր 80-ականների վերջին և 90-ականների սկզբին, կրկին վերադարձավ: Այսօր էլ այն դարձել է ամենահետաքրքիր գունային լուծումն ու 2008-ի ամառվանից համարվում է հոլիվուդյան կարմիր գորգերի վրայով անցնողների ամենավառ գույնը: Այն սիրում են ամենանրբագեղ կանայք՝ Վիկտորյա Բեքհեմ, Քրիստինա Ագիլերա, Քիմ Քարդաշյան, Արմինկա, Լուսինա...

Նեոնային գունապնակին պատկանող այս երանգն իր ճոխության շնորհիվ հարմար է և՛ երեկոյան զգեստների, և՛ ամենատարբեր աքսեսուարների, և՛ առօրյա հագուստի տարրերի համար: Այն հատկապես շքեղ է նայվում մուգ արևայրուքով մաշկի վրա:
Իսկ ինչ խորհուրդներ կտան հայ մոդելավորողները մեր առաջարկած թեմայի վերաբերյալ: Մասնագետների անվճար խորհրդատվությունը՝ հատուկ քեզ համար:

Հայ հայտնիներից էլեկտրիկ կապույտը հատկապես հավանեցին Արմինկան, որ իր «N3» ալբոմի դիզայնի շեշտը հենց այդ գույնի վրա էր դրել: Այս միտումը Հայաստանում աչքի ընկավ հենց նորաձևությանը հետևող երգչուհու միջոցով, առաջարկը մոդելավորող Վահան Խաչատրյանինն էր:

 Լուսինան նույնպես հետևում է նորաձևության միտումներին և նրա աչքից էլ չէր կարող վրիպել էլեկտրիկ կապույտը: Նա այս գույնի զգեստով երևաց նաև Հայաստանում՝ Գի Մանուկյանի հետիր մենահամերգին:

Դեռ տարիներ առաջ այս գույնը հաճախ օգտագործել է նաև սեքսուալ Քիմ Քարդաշյանը: Րիհաննան «Գրեմ միի» մրցանակաբաշխությանը հայտնվեց այս գույնի զգեստով: Առավել հաճախ էլեկտրիկ կապույտով կարելի է հանդիպել Վիկտորյա Բեքհեմին, Էշլի և Ջեսիքա Սիմփսոններին, Լինդսեյ Լոհանին, Լեոնա Լյուիսին և Lady GaGa-ին:

Արամ Նիկոլյանը կարծում է, որ այս գույնը կդառնա այս ամառվա «հիթը»: Հատկապես շահեկան կլինի կապույտի այս երանգի և կրակոտ նարնջագույնի համադրությունը:

Մոդելավորողը նկատել է, որ այս գույնը մեծ տարածում է գտելոչ միայն հոլիվուդյան աստղերի մոտ, այլև նույնիսկ գրասենյակային համազգեստներում:

Արամն ասում է, որ այն Հայաստանում մեծ տարածում դեռ չի գտել, սակայն ամռանը այս գույնի «օգնությանը» կդիմեն շատերը:
Տղամարդկանց համար ևս հագուստ արտադրող մոդելավորողը հավատացած է, որ էլեկտրիկ կապույտը կտարածվի նաև տղամարդկանց շրջանում՝ գոնե բեմում, ինչպես, ասենք, տեղի ունեցավ մանուշակագույնի դեպքում: Իսկ «ամենահիթայինը» կլինեն այս գույնի նեղ ջինսերը՝ կանանց համար:

Վահան Խաչատրյան
Վահանը կարծում է, որ այս գույնը առանձնակի ուշադրություն է պահանջում, քանի որ այն խիստ դժվար է այլ գույների հետ ճիշտ համադրելը, իսկ չհամադրելու դեպքում պարզապես կապույտ «լաքա» է դառնում: Ըստ մոդելավորողի՝ այն համադրել կարելի է «թունավոր» դեղինի, մորեգույնի հետ:

Վահանը կարծում է, որ եթե էլեկտրիկ կապույտը տարածում գտնի Հայաստանում, ապա այն «համազգեստի» բնույթ կկրի: Տարբերակ է նաև, որ հայ աղջիկները համարձակ համարեն այս գույնը, իսկ տղաների մասին խոսելն ավելորդ է:

Լիանա Սարգսյան
Մոդելավորող Լիանան ասում է, որ իր պատվիրատուների շրջանում այս գույնի նկատմամբ առանձնակի սեր չի նկատել: Ըստ նրա՝ այն խիստ «կամակոր» գույն է և ոչ բոլորին է սազում: Բացի այդ, Լիանան գերադասում է ոչ թե էլեկտրիկ կապույտ գույնի ամբողջական հագուստ, այլ որևէ աքսեսուար՝ պայուսակ, գոտի, մատանի, որոնք առավել նրբագեղ տեսք են հաղորդում: Մոդելավարողը կարծում է՝ այս գույնը կարելի է համադրել մոխրագույնի և դեղինի հետ:

esyes.am