Պայթյուն Թեքսասի պարարտանյութի գործարանում. 70 զոհ

ԱՄՆ-ի Թեքսաս նահանգի Վեսթ քաղաքում պարարտանյութերի գործարանում բռնկված պայթյունից զոհվել է 60-70 մարդ. հայտնում է տեղական  KWTX հեռուստաալիքը: Իսկ պաշտոնական անձինք խուսափում են զոհերի և վիրավորների կոնկրետ քանակը նշելուց: Փրկարարներն ավելի վաղ հայտնել էին 5 զոհի մասին:

Հայտնի է դարձել նաև, որ վիրավորվել է 200 մարդ, որից 40-ի վիճակը գնահատվում է ծայրահեղ ծանր: Տուժածների մեծ մասը վիրավորվել է ապակիների բեկորներից և պոկված դռներից:

Վեսթ քաղաքում, ուր բնակվում է 2.800 մարդ, գործարանի հրդեհից առաջացած ծուխը կարող է թունավոր լինել: Մեկ մղոն շառավղով բնակվող բնակիչներին ստիպված են եղել տարհանել:

Պայթյունը զգացվել է նաև 3 այլ մոտակա քաղաքներում: