Պակիստանի դատարանը վճռեց ձերբակալել նախկին նախագահ Մուշարաֆին
Մերձավոր Արևելք
Պակիստանի դատարանը այսօր վճիռ է կայացրել ձերբակալել երկրի նախկին նախագահ Փերվեզ Մուշարաֆին, ով վերջերս վերադարձել էր հայրենիք 5-ամյա կամավոր աքսորից հետո. գրում է Associated Press-ը:
Ձերբակալության մասին համապատասխան վճիռը դատարանը կայացրել է այսօր կայացած դատական նիստի ժամանակ:
Այդ որոշման համար պատճառ է հանդիսացել 1999-ին Պակիստանում իշխանությունը զավթելու համար Մուշարաֆի դեմ ներկայացված մեղադրանքը:
Դատական վարույթի ընթացքում դատավորը մերժեց գրավի դիմաց Մուշարաֆին բաց թողելու պահանջը, ինչպես նաև չեղյալ հայտարարեց նախկինում նրա համար մուծված գրավը, որի շնորհիվ նախկին նախագահը կարողացել էր վերադառնալ Պակիստան:
Ինչպես գրում են տեղական ԶԼՄ-ները, վճիռը հրապարակելուց հետո Մուշարաֆին հաջողվել է իր թիկնապահների հետ հեռանալ դատարանի դահլիճից՝ խուսափելով այդ կերպ վրա հասած կալանավորումից:
Այս շաբաթ մերժվել էր նաև երկրի խորհրդարանական ընտրություններում որպես պատգամավորի թեկնածու Մուշարաֆի ներկայացրած հայտը՝ պատճառաբանելով նրա դեմ ընթացող դատական գործընթացները:
Մուշարաֆը, ըստ դատարանի վճռի, չի կարող լքել Պակիստանի տարածքը:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
