Արտակ Եդիգարյան. Ամեն գնով պետք է հաղթենք Շիրակին
Սպորտ
Գավաթի եզրափակչի ուղեգիր նվաճելուց հետո «Փյունիկի» ավագ Արտակ Եդիգարյանը ակումբի պաշտոնական կայքի հետ զրույցում կիսվեց իր տպավորություններով.
-Շատ ուրախ ենք, որ հաղթեցինք ու դուրս եկանք եզրափակիչ: «Գանձասարի» հարձակվողական գծում տեխնիկապես ուժեղ ֆուտբոլիստներ կան, որ եթե հնարավորություն տվեցիր, կպատժեն: Շատ դժվար հանդիպում էր, բայց բոլորիս ընդհանուր ջանքերի շնորհիվ մենք կարողացանք հաջողության հասնել:
-Ո՞ր հանդիպումն ավելի բարդ ստացվեց, առաջի՞նը, թե՞ պատասխան խաղը:
-Չնայած, որ այս խաղը սեփական հարկի տակ էր, այն ավելի պատասխանատու էր: Կապ չունի, որ հաղթել էինք Կապանում՝ 1:0: Շատ վտանգավոր հաշիվ էր, բայց ամեն ինչ կարողացանք մեր օգտին ավարտել:
-Ընդմիջմանը ոչ ոքի հաշվով գնացիք, մարզիչն ի՞նչ հրահանգներ տվեց:
-Մենք չէինք պաշտպանվելու ու աշխատելու էինք ամեն կերպ գոլ խփել, պահեր ստեղծել: Բայց, ինչ արած, չստացվեց:
-Եվ հաջորդիվ գործող տիտղոսակրի հետ հանդիպումն է…
-Կապ չունի, թե ով է մրցակիցը: Պետք է լավ տրամադրվենք, մի խաղ է՝ եզրափակիչ: Ամեն գնով ամեն ինչ կանենք, որ հաղթենք:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
