Բոսթոնում կրկին պայթյուն և կրակոցներ են հնչել

ԱՄՆ-ի Բոսթոն քաղաքի Մասաչուսեթսի տեխնոլոգիական ինստիտուտի հանրակացարանի մոտակայքում կրկին պայթյուններ և կրակոց է լսվել. տեղեկացնում է AFP-ն:

Ուրբաթ օրը անհայտ անձը ինստիտուտի ուսանողական բնակավայրի հատվածում կրակ էր արձակել և սպանել հանրակացարանի անվտանգությունն ապահովող ոստիկանին: Դրանից հետո տարածքը շրջապատվել էր ոստիկանների կողմից:

Հանցագործը ձերբակալված է: Ըստ տեղական ԶԼՄ-ների` դա մոտ 20 տարեկան մի երիտասարդ է:

Հիշեցնենք, որ այս շաբաթ Բոսթոնում սա արդեն մահացու ելքով 2-րդ միջադեպն է: Շաբաթվա սկզբին մարաթոնյան վազքի ժամանակ անհայտ ահաբեկիչը ռումբ էր պայթեցրել վազքուղու մոտ, որի արդյունքում զոհվել էր 3 մարդ, վիրավորվել՝ 183-ը: