«Համագործակցություն դպրոցների հետ» ծրագիրը՝ ՄԻՊ-ի նախաձեռնությամբ
Հայաստան
Պաշտպանի աշխատակազմի Շիրակի տարածքային գրասենյակը 2013թ հունվար-փետրվար ամիսներին մարզի մի շարք դպրոցներում իրականացրել է «Համագործակցություն դպրոցների հետ» ծրագիրը, որի նպատակն էր հասարակագիտության ուսուցիչների միջոցով կապ ստեղծել մարզի դպրոցների աշակերտների հետ:
Վերջերս Շիրակի տարածքային գրասենյակը հրավերք էր ստացել ՀՊՏՀ Գյումրու մասնաճյուղի հենակետային վարժարանից՝ հասարակագիտություն առարկայի շրջանակներում կազմակերպել հատուկ դաս 9-րդ դասարանի աշակերտների համար:
Ապրիլի 18-ին գրասենյակի աշխատակիցները այցելեցին դպրոց և հասարակագիտության դասի ընթացքում աշակերտների հետ քննարկեցին մարդու իրավունքների պաշտպանության, դրա կարևորության հետ կապված խնդիրներ, խոսեցին երկրում թրաֆիքինգի և այն կանխարգելելու միջոցների մասին:
Քննարկման ընթացքում աշակերտները հարցեր բարձրացրին նաև անչափահասներին քրեական պատասխանատվության ենթարկելու դեպքերի, փոխառության գումարի բռնագանձման կարգի, ընտրակաշառքի, անհայտ կորածի վերաբերյալ տեղեկություն ստանալու և այլ հարցերի մասին:
ՈՒՂԻՂ ԵԹԵՐ
Ամենադիտված 
Ջուր չի լինելու հունվարի 29-ին և 30-ին
