Ես ատում եմ այդ սրիկաներին. Չիսորան՝ Կլիչկո եղբայրների մասին

Բռնցքամարտիկ Դերեկ Չիսորան կրկին վիրավորել է Կլիչկո եղբայրներին:

Հիշեցնենք, որ ավելի վաղ նա Վիտալի Կլիչկոյին ապտակել էր կշռման արարողության ժամանակ, իսկ Վիտալիի եղբոր վրա թքել էր մենամարտից առաջ:

«Ես ատում եմ այդ սրիկաներին: Ես երկուսին էլ ատում եմ նույն պատճառով։ Ես Վլադիմիրի հետ պայմանավորվեցի ռինգ դուրս գալ, ստորագրեցինք պայմանագիր և սկսեցի մարզումները միայն նրա համար, որ վերջին պահին նա հրաժարվի՞ մենամարտից: Այդ պատճառով էլ  ջուր լցրի բերանս և թքեցի նրա վրա: Եթե նրան կրկին հանդիպեմ, նույնիսկ ավելի վատ բան կարող եմ անել և չզղջալ»,-Չիսորայի խոսքերը մեջբերում է  bedlefthook.com-ը։