Երկրաշարժ Չինաստանում. զոհվել է 40 մարդ, վիրավորվել 600-ը

Շուրջ 40 մարդ է զոհվել, ևս 600-ը ծանր վիրավորվել է շաբաթ օրը առավոտյան Չինաստանում տեղի ունեցած երկրաշարժի արդյունքում. գրում է РИА Новости-ն՝ հղում կատարելով չինական իշխանությունների հայտարարություններին:

7.0 մագնիտուդ հզորությամբ երկրաշարժը գրանցվել էր այսօր ժամը 8.02-ի (4.02 Երևան) սահմաններում հարավարևմտյան Սիչուան նահանգում:

Երկրաշարժի էպիկնետրոնը գտնվել է երկրից 12.3 կմ խորության վրա:

Ընդհանուր առմամբ՝ աղետից տուժել է 80 հազար մարդ: Ավերվել է 10 հազար տուն, խափանվել՝ մայրուղիների երթևեկությունը և կտրվել հաղորդակցության կապը: