7.5 մլրդ դոլար կարողություն ունի, բայց վարձով է ապրում և կրում 15 «դոլարանոց» ժամացույց

Աշխարհ 20 Ապրիլ, 2013 22:06

«Իսկ Դուք գիտե՞ք որ

«Duty Free» -ի հիմնադիրը Չակ Նիֆին է: Նա 81 տարեկան է և իր կարողությունը կազմում է $7.5 մլրդ: Չնայած այդ ամենին՝ նա չունի մեքենա, թռչում է «էկոնոմ» դասով և ապրում է վարձակալած բնակարանում: Անհավատալի է, բայց Չակ Ֆինին կրում է $15 արժողությամբ էլեկտրոնային ժամացույց և հագնում է ճմրթված վերնաշապիկ:

Իր պատմական հայրենիքում՝ Իռլանդիայում, նրան ուղղակի կընդունեն որպես արտասահմանյան տուրիստ: Ռեստորանների փոխարեն նա այցելում է արագ սննդի կետեր, հագուստի խանութի փոխարեն' կարի արհեստանոցները, իսկ սեփական մեքենան ունենալու փոխարեն նա օգտվում է տաքսիներից և մետրոյից:

Առաջին հայացքից թվում է, թե մենք խոսում ենք ահավոր ժլատ մարդու մասին, որը դողում է ամեն մի կոպեկի համար: Սակայն երբ ուշադրություն ենք դարձնում այն փաստին, որ վերջին 30 տարիների ընթացքում նա ավելի քան $6 մլրդ է հատկացրել բարեգործությանը, ապա մեր կարծիքը Չակ Ֆինիի մասին արմատապես փոփոխվում է:

Այդ ահռելի գումարները նա ուղղել է կրթության, առողջապահության, գիտության և ԱՄՆ-ում, Վիետնամում, Ավստրալիայում, Հարավային Աֆրիկայում, Իռլանդիայում և Բերմուդյան կղզիներում ծերերի խնամքի համար: Նա հայտնել է, որ չի պատրաստվում կանգ առնել և մտադիր է մինչև 2016թ.-ը բաժանել նաև մնացած ունեցվածքը նույն նպատակով:

Հատկանշական է, որ այդ մարդուն ոչ միայն չի հետաքրքրում փողը, այլ նաև հայտնիությունը և փառքը: Նա միշտ ձգտում էր մնալ ստվերում, և դա նրան հաջողվել էր իր գործունեության սկզբի 15 տարիներին, քանի որ ոչ մեկ գլխի չէր ընկնում նրա բարեգործական գործունեության մասին: Սակայն հետագայում ամեն ինչ պարզվում է, բայց նույնիսկ այդ ժամանակ Ֆինին իրեն շատ համեստ է պահել: Օրինակ՝ հայտնի է, որ մինչև 2012թ.-ը նա տվել է ընդամենը 5 հարցազրույց:

«Ես համոզվել եմ, որ ավելի մեծ հաճույք ես ստանում, երբ գումարները տալիս ես և տեսնում, թե ինչպես է հայտնվում, օրինակ՝ հիվանդանոց: Դա տրամաբանական է՝ գումարները ներդնել բարի գործերի մեջ, այլ ոչ թե բանկային հաշվին, որն անընդհատ աճելու և կրկին աճելու է», - ասել է Ֆինին:

Բիլ Գեյթսը Չակ Ֆինին անվանել է օրինակ վերցնելու համար իդեալական կերպար, նշելով, որ նա ամենալավ օրինակն է, թե ինչպես կյանքի ընթացքում բարի գործեր կատարել»,- գրառումը՝ ebank.am-ի ֆեյսբուքյան էջից: