Առատ տեղումները գրեթե ամենուրեք կդադարեն

Ինչպես տեղեկանում ենք meteo-tv.am-ից, ապրիլի 22-ին առատ տեղումները գրեթե ամենուրեք կդադարեն, և շրջանների գերակշիռ մասում կլինի միայն կարճատև անձրևի փոքր հավանականություն: Օդի ջերմաստիճանը կբարձրանա 2-3 աստիճանով, հյուսիս-արևելյան շրջաններում` 5-7 աստիճանով:

Պատկերից կզանազանվեն հարավային շրջանները. այստեղ այս գիշեր և ապրիլի 22-ին սպասվում են զգալի տեղումներ, հնարավոր է սաստիկ քամի` 23մ/վրկ, տեղ-տեղ կարկուտ, բարձրադիր վայրերում հնարավոր է նաև լինեն դժվարանցանելի ճանապարհներ:

Երևանում ապրիլի 22-ին միայն տեղ-տեղ հնարավոր են կարճատև անձրևներ, էական տեղումներ չեն կանխատեսվում: Մայրաքաղաքում այս գիշերը կդիտվի` +9, վաղը ցերեկը` +16-ից +18, երեկոյան` +13 աստիճան: