Չինաստանում երկրաշարժի զոհերի թիվը հասել է 203-ի, վիրավորների թիվը նույնպես աճում է

Չինաստանի Սիչուան նահանգի քաղաքացիական վարչակազմի վարչության տեղեկություններով` նախօրեին տեղի ունեցած 7.0 մագնիտուդ ուժգնությամբ երկրաշարժի զոհերի թիվը հասել է 203-ի. գրում է Սինհուա գործակալությունը:

Վիրավորվել է ևս 11.492 մարդ, որոնցից 960-ի վիճակը գնահատվում է ծանր:

Հիշեցնենք, որ 7.0 մագնիտուդ ուժգնությամբ երկրաշարժը տեղի էր ունեցել Չինաստանի հարավ-արևմուտքում գտնվող Սիչուան նահանգում: Էպիկենտրոնը գտնվում է Յան քաղաքում: