«Մարմնավաճառներին փողոցում տեղ կա, «գալուբոյներին» տեղ կա, իսկ 60 տարեկան կնոջը, որ Ղարաբաղ 2 տղա է ուղարկել՝ տեղ չկա»

Այսօր՝ ապրիլի 22-ին, Գլխավոր դատախազության շենքի դիմաց «Ժառանգություն» կուսակցության համակիրները բողոքի ակցիա էին կազմակերպել՝ ի պաշտպանություն կուսակցության փոխնախագահ, «Բարև Երևան» դաշինքի առաջին համար Արմեն Մարտիրոսյանի:

Ակցիան կազմակերպվել էր ապրիլի 9-ին մայրաքաղաքի Բաղրամյան պողոտայում տեղի ունեցած ծեծկռտուքի կապակցությամբ: «Ժառանգության» փոխնախագահ Արմեն Մարտիրոսյանն այդ առթիվ հրավիրվել էր Հատուկ քննչական ծառայություն:

Հիշեցնենք, որ մի քանի ոստիկաններ ծեծի էին ենթարկել Արմեն Մարտիրոսյանին՝ ապրիլի 9-ին՝ Բաղրամյան պողոտայում:

«60 տարեկան կնոջը կարող են փողոցում խփել: Մարմնավաճառներին փողոցում տեղ կա, «գալուբոյներին» տեղ կա, իսկ 60 տարեկան կնոջը, որ Ղարաբաղ 2 տղա է ուղարկել ծառայելու՝ Ղարաբաղի հողը պաշտպանելու, տեղ չկա փողոցում»,- վրդովված ասել է Արմեն Մարտիրոսյանի մայրը:

Տեսանյութը՝ Galatv.am-ի