Մարիո Գյոտցեն պայմանագիր կնքեց «Բավարիայի» հետ

Դորտմունդի «Բորուսիայի» ֆուտբոլիստ Մարիո Գյոտցեն երկարաժամկետ պայմանագիր է կնքել Մյունխենի «Բավարիայի» հետ. տեղեկացնում է Bild-ը:

Աղբյուրի տվյալներով՝ գերմանացի ֆուտբոլիստի տրանսֆերը կազմել է 37 մլն եվրո: Գյոտցեի աշխատավարձը մյունխենյան թիմում կկազմի 7 մլն տարեկան, ինչը նրան կդարձնի Բունդես լիգայի ամենաբարձր վարձատրվող ֆուտբոլիստը:

Նշենք, որ «Բուրուսիայի» հետ ֆուտբոլիստի պայմանագիրն ավարտվում էր 2016-ին: 2011-ի Եվրոպայի լավագույն երիտասարդ ֆուտբոլիստը  Գերմանիայի հավաքականի կազմում անցկացրել է 22 խաղ: