Մեզ ապրել է պետք. Կամո Արեյան (տեսանյութ)

«Ինքս բնօրրան հայրենիքը ճարահատ, պարտադրաբար կորցրած ընտանիքի զավակ եմ։ Մեծ հայրերի ու մայրերի հայրենիքը մնաց Արաքսի այն ափին, և այն խորհուրդը, որ ես աչք բացելուց տեսել եմ՝ առանց դասագիրք կարդալու, մեկն էր՝ «Ապրել ու ապրել»։ Այս մասին այսօր Ծիծեռնակաբերդի հուշահամալիրում լրագրողների հետ ճեպազրույցում ասաց փոխքաղաքապետ Կամո Արեյանը։

Վերջինիս խոսքերով՝ ապրիլի 24-ը խորհուրդ է տալիս ապրել։ «Մեզ ապրել է պետք և ապրելով ապացուցել, որ մեզ աշխարհի քարտեզից վերացնելն անհնար է»,-ասաց Արեյանը։

Լուրեր.com-ի այն հարցին, թե ինչպես է ինքը գնահատում Սերժ Սարգսյանի կատարած աշխատանքը Հայոց ցեղասպանության ճանաչման հարցում, Կամո Արեյանը պատասխանեց. «Դեր-Զորում մեր երկրի նախագահի ելույթը ինձ համար արժանապատվության, հայ զգալու և վստահության ելույթ էր, պետականորեն մեր երկրի նվիրական ցանկությունը, մեր ժողովրդի ողջ հոգևոր գիտակցությունը, պատմության հիշողության հանդեպ եղած զգացությունը, ապագային միտված ողջ ոգեղեն կարողությունն արտահայտեց երկրի նախագահը»։