Չաստերից լավ խաբար՝ Տարոն Մարգարյանին

Չնայած այն նախընտրական քարոզչությանը, որն այսօր տանում է Տարոն Մարգարյանն ու իր թիմը, այնուամենայնիվ, որպես ստրախովկա մայիսի 5-ին կայանալիք ընտրություններին պատրաստվելու տարբերակները բազմազան են՝ նամանավանդ ի նկատի ունենալով ԱՄՆ Պետդեպի՝ մարդու իրավունքների մասին 2012 թվականի զեկույցի այս միտքը՝ իշխանությունների օգտին պետական ռեսուրսների ոչ ճիշտ օգտագործում:

Իրականում այս տողերի ենթատեքստը բավականին բազմիմաստ է, եթե ոչ՝ նպատակաուղղված ավագանու ընտրությունների իմաստով, այլ գոնե առնվազն համակարգային ֆունդամենտալ գաղափարական առումով այն միահյուսված է ընդանրապես հայաստանյան ընտրական մեխանիզմների մերկացմանն ու իշխող կուսակցության բացարձակ առավելության ֆակտորին՝ դրանից բխող հետևանքներով հանդերձ:
Այսինքն՝ ստացվում է, որ նախագահական ընտրություններում իշխանությունների օգտին պետական ռեսուրսների ոչ ճիշտ օգտագործման այս ստրատեգիան բավականին խարիզմատիկ օգտագործելուց զատ՝ իշխանական թևը հերթական անգամ ձեռնամուխ է լինում նման մոտեցման կիրառմանը արդեն Երևանի ավագանու ընտրություններում, որն այս անգամ արդեն փաստ է:

Նախ՝ փաստ է այն առումով, որ իշխանական բոլոր այն ապարատները, որոնք լծված են Երևանի ավագանու ընտրությունների կենցաղայնության ապացուցման գործին, հերթական անգամ օգտվելով իրավիճակից ու կարգավիճակից՝ ամեն կերպ գալիս են համոզելու ներկայիս Քաղաքապետարանի անձնակազմի ու քաղաքապետի այն նպատակադրվածությունը, որը ենթադրում է ասֆալտ, բակերի խաղահրապարակներ և շուրջօրյա ջրամատակարարում և նման հարցերի լուծում:

Սակայն այս ամենից զատ ևս մեկ կարևոր գործոն է իշխող կուսակցությունը ծառայեցնում իր շահերին, մասնավորապես՝ մայիսի 5-ին կայանալիք ընտրություններից առաջ, ըստ շրջանառվող լուրերի, ժամկետային զինծառաողներին կարճաժամկետ արձակուրդ է տրվում, կամ այլ կերպ ասած՝ օտպուսկ կոչվածը, որը, ըստ տրամաբանության, ենթադրում է նույն այդ ավագանու ընտրություններում ձայներ ապահովելու ևս մեկ ինդիկատորի առկայության ՀՀԿ-ի համար:

Ինչ է ստացվում, մի՞թե Սերժ Սարգսյանն ու իր թիմը վստահ չեն ընտրություններում հաղթանակի վրա, իհարկե, այն իրավիճակում, որը պայթյունավտանգ է. այն էլ՝ նման նախագահական ընտրություններից հետո կլինի միանշանակ միամտություն, այսինքն՝ ամեն դեպքում ՀՀԿ-ն նախապատրաստվում է նաև ֆորսմաժորային իրավիճակներից ճկունորեն դուրս պրծնելուց:

Այսինքն՝ այն մտքերն ու տողերը, որոնք ներկայացված էին Հայաստանում մարդու իրավունքներին ԱՄՆ Պետդեպի 2012-ի զեկույցում գալիս են ապացուցելու, որը յուրաքանչյուր ակնարկ կամ յուրաքանչյուր նախազգուշացում անտեսվում է իշխող կուսակցության կողմից, որը, իհարկե, թողնում է ազգային անվտանգության սպառնալիքի տեղ:

Եթե այս ընտրությունները հերթական անգամ կրկնեն նախորդների բնույթը, մասնավորապես՝ նախագահականի ու նախորդ տարվա խորհրադարանական ընտրությունների բնույթները, ապա, ամենայն հավանականությամբ, հաջորդ տարվա զեկույցում Հայաստանի Հանրապետությունում մարդու իրավունքների զեկույցում կլինի բացառապես միմիայն բացասական ու կոշտ գնահատականներ, որոնք էլ աստիճանաբար կբերեն ինքնակործանման զուտ պետության ու պետականության առումով:

Գևորգ Ավետիսյան