Նաիրա Կարապետյանը սպառնո՞ւմ է
Հայկական Մամուլ
Ազգային ժողովի էթիկայի հանձնաժողովը Երեւանում Մոսկվայի տան տնօրենից դիմում է ստացել, որով վերջինս խնդրում է քննել ՀՀԿ խմբակցության անդամ, երիտասարդ պատգամավոր Նաիրա Կարապետյանի վարքը: Բանն այն է, որ ՌԴ դեսպանությունը ՀՀ-ում իրականացնում է կրթաթոշակի ծրագիր, Նաիրա Կարապետյանը զանգահարել եւ սպառնացել է տնօրենին, որ Գյումրի քաղաքի մի շարք ուսանողներ պետք է ստանան այդ կրթաթոշակը: Այս կապակցությամբ Նաիրա Կարապետյանը մեզ հետ զրույցում ասաց. «Շատ ցավում եմ, որ նման պաշտոն զբաղեցնող կինը զբաղվում է ապատեղեկատվություն եւ սադրանք տարածելով, սակայն նաեւ ուրախ եմ, որ նա այնուամենայնիվ դիմել է ոչ թե այն ոճին եւ տոնայնությանը, որով ինձ հետ էր խոսում, այլ՝ էթիկայի հանձնաժողով…
Ըստ Ազգային ժողովի Կանոնակարգ-օրենքի՝ էթիկայի հանձնաժողովի նիստերը դռնփակ են, բացառությամբ այն դեպքի, երբ դիմումում նշված պատգամավորն առաջարկում է հանձնաժողովի նիստերն անցկացնել դռնբաց: Կարծում եմ՝ սա հենց այն դեպքն է, երբ ես կառաջարկեմ նիստն անցկացնել դռնբաց, որպեսզի բոլորին պարզ լինի իրական պատկերը»: Նշենք, որ այս օրերին պատգամավորը գտնվում է ԵԽԽՎ-ում:
Առավել մանրամասն՝ «Հրապարակ»-ի ապրիլի 25-ի համարում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
