Բանգլադեշում փլուզված շենքի զոհերի թիվը հասել է 161-ի

Բանգլադեշի մայրաքաղաք Դաքքայի մոտակայքում բարձրահարկ շենքի փլուզումից զոհված մարդկանց թիվը հասել է 161-ի. տեղեկացնում է Associated Press-ը:

Ավելի վաղ հայտնի էր դարձել 100 զոհի մասին: Դեպքի վայրում դեռևս աշխատում են փրկարարները։ Չի բացառվոմ, որ զոհերի քանակը կարող է աճել:

Հիշեցնենք, որ ութհարկանի շինությունը, որում գտնվում էին առևտրի կենտրոնն ու կարի արհեստանոցները, փլվել էր չորեքշաբթի օրը: Դրանից մեկ օր առաջ շենքի պատի վրա ճեղքվածք էր հայտնաբերվել, սակայն ղեկավարությունը բավարար ուշադրություն չէր արժանացրել այդ հանգամանքին: