Բիզոնի ուսին խաղալիք ավտոմա՞տ էր գցած. Արմեն Մարտիրոսյանի հարցը ոստիկանությանը (տեսանյութ)

Այսօր՝ ապրիլի 25-ին հրավիրված ասուլիսին «Բարև Երևան» դաշինքի առաջին համար Արմեն Մարտիրոսյանը խոսեց Երևան քաղաքի ներկայիս խնդիրների մասին, բայց և այնպես արձանագրում է, որ իր համար որպես քաղաքական գործչի ավելի շատ կարևոր են քաղաքական խնդիրները: «Ամենակարևորը կառավարման համակարգը քանդելն է և կառավարման նոր համակարգ ստեղծելը: Կառավարման համակարգի փոփոխության խնդիրն առաջնահերթ է»: 

Վերջինս օրինակ բերեց նաև, թե ինչ կարևոր խնդիրներ լուծում կգտնեն, եթե հաղթանակ տանի «Բարև Երևան» դաշինքը. «Ուսուցիչն իր գործն է անելու, համատիրությունները իսկապես ընտրովի են լինելու, թափանցիկ է լինելու իրենց գործունեությունը և ամիսը մեկ պարտադիր հաշվետվություն են տալու, ոչ թե ընկնելու են ցուցակներ հավաքելով: Կադրային ջարդ չի լինելու: Իմ՝ որպես քաղաքապետի թեկնածուի կարծիք, առաջնահերթ ունենք ազատության խնդիր»:

Նարեկ Սարգսյանը հարցազրույցներից մեկում ասում է Հյուսիսային պողոտայում մի քանի շենքի երկու հարկը ապօրինի է կառուցվել: Ի՞նչ է նշանակում սա, քաղաքի ճարտարապետը չի՞ կարողանում դրա դեմն առնել: Նշանակում է՝ խնդիր կա, պետք է հետամուտ լինենք իրավական դաշտում դրա լուծմանը: Իրավապահ մարմինները պետք է զբաղվեն այդ հարցով, թե ով է մեղավորը: Ապօրինի ցանկացած որոշում պարտադիր է վերանայման համար»:

«Մեր բարեբախտությունը կայանում է նրանում, որ մեր ցուցակում օլիգարխներ չկան, մարդիկ են, ովքեր մաքուր հետագիծ ունեն, և կկարողանան այդ ապօրինությունների դեմ պայքարելուն: Բոլոր որոշումները կայացնելուց առաջ պետք է լինեն հանրային քննարկումներ, և քաղաքացին պետք է մուտք ունենա Քաղաքապետարան, էլ չեմ խոսում ՀԿ-ների մասին»:

Անդրադառնալով ապրիլի 9-ին իր նկատմամբ ոստիկանի կողմից ծեծին՝ Արմեն Մարտիրոսյանն ասաց.

«Ոստիկանությունը հայտարարություն տարածեց, թե ոստիկաններն այդ օրը զինված չեն եղել։ Ես հիմա հարցնում եմ՝ Բիզոնի ուսին խաղալիք ավտոմա՞տ էր գցած: