Գյումրիում հասունանում է դիմակայություն մարզպետի եւ Սամվել Բալասանյանի միջեւ

Գյումրիում հասունանում է դիմակայություն նորանշանակ մարզպետի եւ վերջերս քաղաքապետ ընտրված Սամվել Բալասանյանի միջեւ: Ընդ որում, այդ պայքարն անձնական չէ, այլ համակարգային: Ընտրովի քաղաքապետը ֆորմալ առումով հանդիսանում է նշանակովի մարզպետի ենթական: Նաեւ այ նպատճառով, որ Գյումրին ավելին է, քան մարզի կեսը, այն մարզի առանցքն է'եւ տնտեսական, եւ բարոյահոգեբանական առումով: Այն, որ մրցակցություն լինելու է,ակնհայտ էր, բայց որ դա այդքան արագ է արտահայտվելու՝ քիչ սպասելի էր: Մրցակցության կոնկրետ արտահայտությունը մարզպետի կողմից Գյումրիում, քաղաքապետարանի պատվերով, իրականացվող ասֆալտապատման աշխատանքների կատարման ընթացքում տեղ գտած թերությունները մատնանշելն էր' շտկելու հրահանգով: Այստեղ հետաքրքիր է Բալասանյանի արձագանքը, նա չի փորձում քննարկման առարկա դարձնել մարզպետի խառնվելու իրավունքը, չի փորձում հերքել այդ թերությունների փաստը եւ ոչ էլ փորձում է խնդիրներ գտնելու մատնացույց անել մարզպետի ղեկավարած համակարգում: Գյումրու քաղաքապետի պահվածքը դիմակայության ներկա փուլու մերկ ու շատ նուրբ եւ միեւնույն ժամանակ հստակ ուղերձ է պարունակում՝ առաջինը սեփական թիմին, առ այն, որ ինքը չի պատրաստվում ծածկել վատ աշխատանքը, եւ թիմում մնալու միակ ճանապարհը լավ աշխատելն է: Երկրորդ ուղերձը կարծես հասցեագրված է գյումրեցիներին եւ բովանդակում է մոտավորապես հետեւյալը՝ եթե մարզպետը կարող է օգնել Գյումրիին, ապա պետք է ընդունել այդ օգնությունը: Սա, ըստ երեւույթին, ճիշտ մարտավարություն է, որովհետեւ դրանով մարզպետը քաղաքապետի հետ մնում է Գյումրու համար պատասխանատվության դաշտում: Համատեղ պատասխանատվության արտահայտությունն է այն 390 միլիոն դրամը, որ մարզպետին հաջողվեց ստանալ կառավարությունից Գյումրու ասֆալտապատման համար:

Առավել մանրամասն'«Հրապարակ»-ի ապրիլի 26-ի համարում: