«Հայ աղջիկներին հասնող չկա»

Զրուցակիցն է Արտակ Վարդանյանը.

-Փիլիոփաներից մեկն ասել է՝ կնոջ հետ անցկացրած ժամանակը չի կարելի կորած համարել, ըստ Ձեզ՝ այդպե՞ս է, կնշե՞ք մի կնոջ անուն, ում հետ անցկացրած ժամանակը ոչ միայն կորած չի եղել, այլեւ Ձեզ շատ բան է տվել:

-Կինն առանց այն էլ հետաքրքիր է՝ խնամված, թե առանց, զգեստով, թե մերկ, շպարված, թե առանց: Մեծ տպավորություն եմ ստացել՝ շփվելով Ավստրիայի Ազգային ժողովի աշխատակից Բարբարա Փրայմերի հետ: Նա կոկիկ էր, համեստ, բայց միեւնույն ժամանակ շքեղ ու հետաքրքիր: Վստահ եմ՝ նա կարող էր ազդել մոլորակի տղամարդկանց վրա: Կարիերիստ էր, բայց հոգու խորքում իսկական կին: Եվ ի վերջո նրա ամենամեծ առավելությունն այն էր, որ գնահատում էր տղամարդկանց: Իսկ լավագույն կին հասկացությունն ինձ համար ամբողջական է դառնում իմ մայիկի շնորհիվ:

-Արտա´կ, այն, որ հակառակ սեռի կողմից սիրված եք, արդեն պարզ է, իսկ ի՞նչ է տվել Ձեզ այդ սերը:

-Սերն այն զգացողությունն է, որը մարդուն ապրելու, ոգեւորվելու հնարավորթյուն է տալիս: Երբ այն կա մարդու կյանքում, մարդը չի չարանում, ավելի բարի ու կամոցող է դառնում: Ինձ ոչինչ չի տվել, բացի լավ խոսքերից ու կատարած աշխատանքիս գնահատականից:

-Ամենախենթ սիրո խոստովանությունը, որ երբեւէ ստացել եք…

-Դա դեռառջեւում է. Ես միշտ սպասում եմ ավելիին: Իրականում ամենամեծ սիրո խոստովանությունը եղել է շատպարզ՝ ընդամենը համբույր եւ լռություն:

-Ասում եք՝ միշտ ավելիին եք սպասում, կարելի՞ է ենթադրել, որ Ձեր կողակցի համար դժվար կլինի Ձեզ հետ:

-Կողակցից շատ բան է գալիս: Դե հիմա երիտասարդ տարիներ են, լուրջ հարաբերությունների մասին չեմ մտածում:

-Մի անգամ նշել եք՝ չեք սիրում «խոհանոցային» աղջիկների, կարելի՞ է ենթադրել՝ նախընտրում եք կարիերիստ աղջիկների:

-Սիրում եմ ոսկե միջինը: Ինձ համար աղջիկը պետք է հետաքրքիր լինի, կրակոտ իր տեսակով: Չեմ սիրում խոհանոցային, կարիերիստ աղջիկների, սիրում եմ, երբ նրանք ամբողջական են լինում:

-Աղջիկների հետ շփվելիս ի՞նչ խնդիրների եք բախվում հաճախակի:

-Սիրահարվում եմ անտեղի: Դա ինձ մոտ հիվանդության պես մի բան է, որ հաճախ է լինում…

-Նույնքան արագ էլ մոռանո՞ւմ եք:

-Չեմ կարող ասել՝ հիշողությանս միջից ջնջվում են, բայց այո´, արագ եմ մոռանում: Երբ սիրո մեջ անտանելի են հարաբերությունները, տառապելու փոխարեն պետք է նորին գտնել: Դա նորմալ գործընթաց է:

-Հայ աղջիկները, վերջերս նման միտում է նկատվում, դիմում են տարբեր մեթոդների՝ գեղեցիկ եւ նորաձեւ լինելու համար, օրինակ՝ արհետսական շուրթեր, կրծքեր եւ այլն…. Ձեր վերաբերմունքն այդ երեւույթին ինչպիսի՞ն է:

-Լավ են անում: Սիրում եմ բոլոր հայ աղջիկներին: Ուսմանս հետ կապված հաճախ եմ շրջագայում, լինում տարբեր երկրներում, վստահորեն կասեմ՝ հայ աղջիկներին հասնող չկա:

- Իսկ կասե՞ք՝ ի՞նչն եք այդքան գնահատում եւ արժեվորում հայ աղջիկների մեջ:

-Գնահատում եմ նրանց համեստությունը, ընտանիքին նվիրվելու կարեւորունակությունը, չափը չանցնելու կարողությունը: Եվ, ի վերջո, ընտանիքի մայրդառնալու ցանկությունը:

-Ինչպիսի՞ն պետք է լինի աղջկա արտաքին տեսքը, որպեսզի նրան գեղեցիկ համարեք, թե՞արտաքինն այդքան էլ չեք կարեւորում:

-Եթե ասեմ, որ արտաքինն այդքան էլ կարեւոր չէ, սուտ կլինի. կարող եմ սիրահարվել այնպիսի աղջիկների, որոնք չեն փայլում արտաքին տեսքով, բայց չափազանց հետաքրքիր են, հարուստ ներքին ունեն, անսպառ էներգիա. Դա ինձ համար իսական ազարտի է վերածվում:

-Ի՞նչ դեպքերում կարող է աղջիկը Ձեզ նյարդայնացնել, դառնալ անտանելի ու վանող:

-Երբ շատ հարցեր է տալիս, Ձեզ նկատի չունեմ (ծիծաղում է):

-Մի անգամ ասել եք՝ փնտրում, փնտրում բայց չեք գտնում Ձեր սիրելիին, դեռ այդ փնտրտուքների մե՞ջ եք:

-Այդ օրվանից մինչ այսօր մի քանի անգամ գտել-կորցրել եմ:

-Իսկ ո՞ւմ եք փնտրում, ինչպիսի՞ն պետք է լինի Նա, Ձեր մտապատկերում կա՞:

-Ես անընդհատ ու ամեն պահ փնտրում եմ, երբեմն ոչ, նա ինքնաբերաբար է գալիս: Բայց սկսել եմ չմտածել՝ ինչպիսին պիտի լինի նա: Միայն թող գա:

-Արտա´կ, ի՞նչ է սերը Ձեզ համար: Ի՞նչ պետք է անիտղամարդը սիրելի էակին երջանկացնելու եւ երջանիկ լինելու համար:

- Տղամարդը պիտի սիրելիին ամբողջ կյանքի ընթացքում վերաբերվի այնպես ինչպես առաջին օրը եւ ամեն ինչ, վստահ եղեք՝ կատարյալ կլինի:

-Ո՞նց եք դապատկերացնում, օրինակ՝ Դուք ի՞նչ կանեք:

-Նորմալ ու հանգիստ եմ պատերացնում: Ես կփորձեմ լինել միշտ թարմ իմ սիրելիի համար:

Ladynews.am