«Շեկոյի մահից հետո ամբողջ մարզն է խառը»

Շեկոյի՝ Մարտուն Գրիգորյանի ընկերոջ մահից հետո ամբողջ մարզն է խառը ՝ մարզպետով, ոստիկանապետ Բաբակեխյանով: Վերջինս խոստացավ մեկնաբանություն տալ, բայց չկատարեց խոստումը: Իսկ գյումրեցիները դժգոհում են, որ իրավապահների հիմնական թիրախը Վարդանիկի բարեկամներն են, մինչդեռ Մարտուն Գրիգորյանն ազգականներ ունի իրավապահ մարմիններում, որոնք տարիներ շարունակ փակել են «կլանային պատերազմի» դրվագները: Հատկապես աչքի է ընկել ոստիկանության մարզային վարչության պետի տեղակալ Վահրամ Ենգոյանը, որը, ըստ ոստիկանամերձ մեր աղբյուրի, ԱԺ պատգամավոր Մարտուն Գրիգորյանի քեռին է: Նախկինում նա աշխատել է Ախուրյանի ոստիկանությունում: Դեռ թարմ է Մարտուն Գրիգորյանի հորեղբոր խնամու՝ Շիրակի ոստիկանության քննչականի պետ Կարուշ Թովմասյանի մասին հիշողությունը, որը հեռացավ «օրգաններից» 2012 թվականի ամռանը հայտնի միջադեպից հետո: Այն ժամանակ Վանաձորի ճանապարհին Մարտուն Գրիգորյանի զարմիկը կրակեց ավագանու անդամ Անդրանիկ Խաչատրյանի վրաեւ վնասեց նրա ոտքը: Անդրանիկն իր հերթին հզոր ազգական ուներ, ի դեմս մարզի շինվարչության նախկին պետ Արտաշես Սարգսյանի: Այս պատմությանն անդրադարձել էր նաեւ «Հրապարակը»: Թեեւ Ա.Սարգսյանըեւ նրա տուժած փեսա Խաչատրյանը հերքեցին կրակոցի մասին լուրը, բայցեւայնպես մամուլի աղմուկը խանգարեց Կարուշ Թովմասյանին ծածկադմբոց անել:

Առավել մանրամասն՝ «Հրապարակ»-ի ապրիլի 27-ի համարում: