Յուրա Մովսիսյանի բացակայությունը մեծ պլյուս է «Անժիի» համար. Գաջիբեկով

Ռուսաստանի առաջնության 26-րդ տուրի շրջանակներում կայանալիք «Սպարտակ» - «Անժի» խաղից առաջ «Անժիի» պաշտպան Ալի Գաջիբեկովը նշել է, որ Յուրա Մովսիսյանի բացակայությունը կօգնի իր թիմին:

Նշենք, որ թիմերի միջև հանդիպումը տեղի կունենա ապրիլի 28-ին:

«Ինձ համար` որպես պաշտպանի, Մովսիսյանի բացակայությունը մեծ օգնություն է: Նա շատ ուժեղ հարձակվող է, անընդհատ առաջ է շարժվում, շատ է գոլ խփում, ինչը վկայում է ռմբարկուական պայքարում առաջատար լինելու մասին: Նման հարձակվողների դեմ յուրաքանչյուր պաշտպանի համար տհաճ է խաղալը: Միանշանակ, մեզ համար մեծ առավելություն է, որ Մովսիսյանը չի խաղալու: Բացի նրանից՝ «Սպարտակն» ունի այլ լավ հարձակվողներ՝ Ուորիս, Էմերկիե: Համոզված եմ, որ նրանցից կրկնակ վտանգավոր կարող են լինել, քանի որ սա խաղադաշտ դուրս գալու և իրենց խաղը ցույց տալու հնարավորություն է»,-ֆուտբոլիստի խոսքերը մեջբերում է  Спорт день за днём-ը:

Հիշեցնենք, որ Մովսիսյանը վնասվածք էր ստացել մոսկովյան դերբիում: